20 Fevral 2020, Cümə axşamı
“Qəbələ”də çilili hücumçu
Niasse "Qəbələ"dən getdi
Renat "Liverpul"a qol vurdu
Millimiz Xorvatiyaya uduzdu

Ölkə futbolu

Emin Mahmudov: “Uşaq səhvlərindən qollar buraxdıq”

“Neftçi”nin kapitanı Emin Mahmudov Avropa Liqasının III təsnifat mərhələsinin cavab oyunu çərçivəsində “Bney Yehuda”ya uduzduqları matçdan (1:2) sonra jurnalistlərin suallarını cavablandırıb. Futbolxeber.az saytının məlumatına görə, o, mərhələni keçməyə layiq olmadıqlarının bildirib.

- İlk növbədə azarkeşlərimizdən üzr istəyirəm. Çünki onlar bizi Bakıda da, burda da sonadək dəstəklədilər. Oyuna gəlincə, bütün mübarizələri uduzduq. Uşaq səhvlərindən qollar buraxdıq, ön xətdə heç nə yarada bilmədik. Bu cür futbolla mərhələni keçməyə layiq deyildik.

- Amma “Neftçi” əvvəlki mərhələlərdə belə deyildi. Nə dəyişdi?

- Yəqin psixologiyamız belədir ki, bir uğurlu oyundan sonra göylərə qalxırıq.

- Bu məğlubiyyətdən sonra çempionatda özünüzə necə gələcəksiniz?

- Mütləq özümüzə gəlməliyik. Çünki məğlubiyyəti həzm etməyə vaxtımız da yoxdur. Ötən mövsüm böyük xal fərqi yaratsaq da, qış fasiləsindən sonra “Qarabağ” demək olar bütün oyunlarda qələbə qazanıb çempion oldu. Ümumiyyətlə, çempionatda hər oyuna tam məsuliyyətlə çıxmalıyıq. Nəhayət, mübarizə aparmalıyıq, meydanda gəzişməməliyik.

- Bu məğlubiyyətdə əsas səbəb Tula “Arsenal”ı üzərində qələbələrdən sonra arxayınlığın yaranmasıdır?

- Bilmirəm problem nədədir. Bəlkə, qeyd etdiyiniz məqamın da rolu var. İki qol buraxdıqdan sonra ayılırıq və mübarizə aparmağa başlayırıq. Döyüşə ilk dəqiqədən başlamaq lazımdır.

- Yarımmüdafiənin mərkəzində tək qalmışdınız - nə Soni Mustivar sənə dəstək olurdu, nə də Mamadu Kane. Elə cinahlar da “fil qulağı”nda yatmışdı. Rauf Əliyev topsuz idi. Axı, ilk oyunun birinci 45 dəqiqəsindən dərs çıxarmaq olardı. Ancaq İsraildə də analoji ilk 45 dəqiqə izlədik.

- Tək cinahlar yox, bütün komanda yatmışdı. Özü də bu iki oyunda bənzər yalnız ilk 45 dəqiqələr yox, hər iki 90 dəqiqə oldu. Bəli, ilk matçdan sonra baş məşqçimiz bizə nə etməli, necə etməli olduğumuzu izah etmişdi. Təəssüf ki, onun dediklərinin heç birini yerinə yetirmədik (“Report”)




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2020
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29