Ölkə futbolu
Başını dik tut, “Neftçi” azarkeşi!
“Səbail” və “Qəbələ”nin ardınca “Neftçi” də Avroliqada çıxışını başa vurdu. “Ağ-qaralar” “Bney Yehuda”dan 180 dəqiqə ərzində üstün görünsələr də, yekun nəticədə mərhələ adlayan tərəf rəqib oldu.
Futbol çoxdan daha yaxşı oynayanın, topa daha çox sahib olanın qalib gəldiyi oyun deyil. Müasir futbolda uğur qazanmaq üçün texniki, taktiki, fiziki hazırlıq və ustalıq səviyyəsi ilə yanaşı, istək və döyüşmək də lazımdır. Sonuncu 2 məqamı biz “Neftçi”nin timsalında “Arsenal”la oyularda görsək də, dünən eyni hala şahidlik etmədik. Təəssüf...
Yəqin ki, mövsümün əvvəlində kimsə “Neftçi”nin üçüncü mərhələdə çıxışını başa vuracağını desəydi, buna görə həmin adam qınaq obyektinə tuş gəlməzdi. Amma hazırkı məqamda komandanın pley-offdan kənarda qalması onu tənqid hədəfinə çevirib.
“Arsenal”ı keçən “Neftçi” “Bney Yehuda”nı gözüyumulu keçməlidir”. Bu fikri çoxumuz 9 gün əvvələ kimi səsləndirirdik. Təəssüf ki, özümüz “futbolçular eyforiyaya qapılmamalıdılar” dediyimiz halda, özümüz onlardan daha tez qrup mərhələsinin planlarını cızmağa başlamışdıq.
Hazırda Avropanın ən güclü 6-7 çempionatından biri olan Rusiya Premyer Liqasının ortabab komandasını mübarizədən kənarlaşdıran “ağ-qaralar”dan İsrail kubokunun sahibini də məğlub etməyi tələb edirdik (bəli, məhz tələb edirdik). Azarkeş istəyində də, lap elə tələbində də haqlıdır. Əsl fanat komandası lap “Real”la oynasa belə, yenə qələbə arzusunda olacaq. Bu, təbiidir. Amma reallıqlar var.
Etiraf edək ki, heyəti hazırkı məqamda hər nə qədər güclü hesab edilsə də, “Neftçi” Avropada uğur qazanmağa tam hazır deyil. Komandada axsayan mövqelər var. Məsələn, “Bney Yehuda”nın keçilməməsində əsas pay sahibi olan müdafiə xətti. Cinahlarda yer alan Ömər Buludov və Anton Krivotsyuk təcrübəsizdilər. Hər ikisinin 20-21 yaşları var və gördükləri ən yaxşı halda 8 komandalı Azərbaycan çempionatı olub. Digər tərəfdən də 1-2 il əvvələ kimi Öməri kim tanıyırdı? Unutmayaq ki, Buludovu “Neftçi”yə də, Azərbaycan futboluna da böyük ölçüdə dünəndən istefası tələb olunan Bordin qazandırıb.
İtalyalı mütəxəssisi müdafiə etmək fikrindən uzağam. Aydın məsələdir ki, komanda qalib gələndə baş məşqçidən başqa hamı qələbənin səbəbkarı hesab olunur, uduzanda isə yalnız baş məşqçi günahkardı. Bu, futbolun yazılmayan qanunlarından biridi. Bordin də bunu çox gözəl bilir. Amma italyanın istefasını tələb etmək nə qədər haqdır? Bir tərəfdən adamın müqaviləsi var və inanmıram ki, orada “komanda Avroliqada pley-offa çıxmasa, qovulacaqsan” kimi bir bənd olsun və üstəlik də, komanda özündən zəif “Speranta”ya birinci mərhələdə uduzmayıb ki, işinə son verilsin.
“Neftçi” ikinci mərhələdə “Arsenal”a uduzsaydı, heç bu qədər tənqid olunmayacaqdı. Əlbəttə, bu o demək deyil ki, “Bney Yehuda”nı keçə bilmədiyi üçün komandaya toxunmaq olmaz. Haqlı tənqid olmalıdı, olacaq da. Lakin dünəndən bəri görünən odur ki, “Neftçi”dən, Kamran Quliyevdən, Ceyhun Sultanovdan, Bordindən kim yanıqlıdısa, hamısı feysbukda şirə dönüb. İstefa istəyən kim, Bordinin, rəhbərliyin qovulmasını tələb edən kim. O tənqidlərin 90 faizi qərəzlidir. “Ağ-qaralar”ın büdrəyəcəyini gözləyənlər “Arsenal”a da uduzsaydı, yaxud “Bney Yehuda”nı keçib “Malmö”yə də məğlub olsaydı, yenə qərəzli mövqelərini ortaya qoyacaqdılar.
Əslində, “Neftçi” rəhbərliyi də, baş məşqçi də üçüncü mərhələdəki məğlubiyyətə görə müəyyən bəhanə gətirə bilərlər. İstər püşk olsun, istər zədəlilər və yaxud başqa bir səbəb. Püşk demişkən, “Neftçi”nin püşkdə bəxtinin gətirdiyi iddia olunur. Amma hansı bəxt? Məgər “Arsenal”, “Bney Yehuda”, ya elə “Malmö” Tbilisi “Dinamo”sundan, “Universitatya Krayova”dan, “Dandalk”dan, yoxsa “Linfild”dən zəifdi? Yaxud Dabo zədəli olmasaydı, “Neftçi” hücumun mərkəzində tək Rauf Əliyevin ümidinə qalmasaydı...
Vaxt lazımdı. İndiki “Neftçi”dən böyük uğurlar gözləmək üçün zamana ehtiyac var. Hələ ötən mövsüm başa çatdıqdan sonra görünürdü ki, “Neftçi”nin uğurunu gözləmək üçün səbr etmək lazımdı. Bordin səhvlərdən nəticə çıxarmağı bacarır. Komandanın Avroliqada 2 mərhələ keçməsi də çempionatdakı səhvlərdən çıxardığı nəticələrin hesabınadır. “Bney Yehuda” ilə oyunlardakı səhvlərdən çıxarılan nəticənin nə olacağını isə Allah qismət eləsə, gələn ilin mayında görəcəyik.
“Neftçi”nin Avroliqada bu qədər irələməsində böyük pay sahibi olanlardan biri də azarkeşlərdi. İstər Moldova səfərində, istər Tula səfərində komandanı tək qoymayan “Forza Neftçi”nin çəkdiyi əziyyətin qarşılığı üçüncü mərhələdə məğlubiyyət deyildi. Bu azarkeşin haqqı “Neftçi”ni qrup mərhələsində görmək idi. Təəssüf ki, bəzi futbolçular “ağ-qaralı” formanın dəyərini sadiq azarkeşlər qədər anlamırlar, dərk etmirlər. Əks halda bu gün “Neftçi”nin şəninə təriflər deyilir, komanda isə İsveç səfərinin planlarını cızırdı. Amma olmadı.
Əsl azarkeş odur ki, təkcə yaxşı yox, həm də pis, çətin gündə də komandasının yanında olsun. Odur ki, əsl azarkeşləri isə bazar ertəsi, “Bakcell Arena”da görəcəyik. Başını dik tut, “Neftçi” azarkeşi! Sənin komandanın zəiflər qarşısında əzilmədi.
İBRAHİM
Şərh yazılmayıb
|
ŞƏRH YAZ
|
Çox oxunan xəbərlər
- “Zirə” və “Birbaşa Bakı”dan növbəti qələbə
- Azərbaycan derbisinə sözardı
- ETOPAZ-ın baş sponsorluğu ilə şirkətlər liqası minifutbol turniri start götürüb
- Fariz Nəcəfov: “Razı olmaram ki, “Qəbələ”yə görə idman prinsipləri pozulsun”
- “Qarabağ FK - 30 mövsüm səfərdə” sənədli filminin təqdimatı olub
- “Ağ-qaralar”ın “Black Friday”i
- Qurban Qurbanov: “Bu gün meydanda xalqın layiqli komandası var idi”
- “Zirə”dən alqışlanası addım
- Onlar işinin ekspertidir
- Azər Əliyev: "Qarabağ" əsl xarakter nümayiş etdirdi"
- “Qarabağ”la Bakıda oynamaq “Barselona” ilə qarşılaşmağa bərabərdir”
- Sxadadze: “Qəbələ” kimi klub Premyer Liqanı tərk etməməlidir”
- Elxan Məmmədov “Reuters”ə danışdı: “Yeni təcrübə imkanı qazanacaqlar”
- Elmar Baxşıyev istefa verdi
- ETOPAZ - uduşun təminatı!
-
14:48
“Qəbələ” MMA döyüşçüsü ilə müqavilə imzaladı
-
14:26
Azərbaycan - İngiltərə oyununun hakimləri açıqlandı
-
12:53
"Zirə"nin 2 futbolçusu milliyə çağırılıb
-
12:00
"Açığı, mən də düşünürdüm ki, Azərbaycan çempionatında "bir ayaqla" oynayacam"
-
11:39
Azərbaycan gimnastları Almaniyada Dünya Kubokunda iştirak edəcəklər
-
11:12
Azərbaycan atıcıları Almaniyada qızıl medal qazanıblar
-
10:47
"Ağdaş" "Şəmkir"i məğlub etdi VİDEO
-
10:21
Azərbaycanın güləş millisi “Çempionlar” turnirini 10 medalla başa vurub
-
10:08
Ukrayna millisinin Azərbaycanla oyun üçün heyəti açıqlandı
-
09:54
"Bakı Sportinq" - "Lerik" oyununda 5 qol VİDEO
-
09:30
"Turan Tovuz"un legioneri milliyə dəvət aldı
-
18:58
"Qarabağ"ın legioneri 5 il yarımdan sonra milliyə dəvət aldı
-
18:40
4 klub cərimələndi
-
18:34
AFFA danışılmış oyunlarda iştiraka görə 4 nəfəri futboldan ömürlük uzaqlaşdırdı
-
18:13
AGF-nin baş katibi Meksikanın Azərbaycandakı səfiri ilə görüşüb
-
17:55
Azərbaycan millisi Dünya Kubokunda 10-cu yeri tutub
-
17:41
II Liqa: Ev sahibləri üçün uğurlu gün
-
17:22
Azərbaycan Kanoe və Avarçəkmə Federasiyası Mingəçevirdə təmizlik aksiyası həyata keçirib
-
17:06
Azərbaycan millisinin oyunlarına hakim təyinatları açıqlandı
-
16:54
"Juninyonu "Qarabağ"da saxlamaqda çətinlik çəkəcəyik"
-
16:37
“Neftçi” - “Spartak” oyununun biletləri satışda
-
16:19
Azərbaycanın cüdo hakimləri beynəlxalq yarışları idarə ediblər
-
16:00
Elvin Bədəlov: “Sona qədər hansı komanda təzyiqə dözəcəksə, o da avrokuboklara yollanacaq”
-
15:28
Azərbaycan həndbol çempionatı: liderlərdən heç-heçə
-
15:15
Lunyov Rusiya millisinin düşərgəsinə qoşuldu
-
14:43
Azərbaycanın stolüstü tennisçiləri beynəlxalq yarışda 10 medal qazanıblar
-
14:31
"Traktor" yenidən üçüncü pillədə
-
13:52
"Qəbələ" mövsümün rekorduna imza atıb
-
13:24
"Neftçi" - "Spartak" oyununun başlama saatı açıqlanıb
-
13:16
“Ağ-qaralar”ın “Black Friday”i
-
13:07
Pelleqrini "Roma"ya qələbə qazandırdı VİDEO
-
12:49
Tovuzda mövsümün üçüncü ən yaxşı göstəricisi qeydə alındı
-
12:35
"Fənərbaxça" Trabzondan 3 xalla qayıtdı VİDEO
-
12:28
"Neftçi"nin ilk böyükhesablı qələbəsi
-
12:13
"Borussiya"dan əzmkar qələbə VİDEO
-
12:00
Üzgüçülük üzrə uşaq liqasının mərhələ yarışları keçirilib
-
11:52
"Barselona" "Atletiko"ya qalib gəldi VİDEO
-
11:41
U-21-in İngiltərə və Ukrayna ilə oyunlar üçün heyəti açıqlandı
-
11:26
"İnter" qələbəni əldən verdi VİDEO
-
11:17
"Qarabağ" XXI əsrin rekorduna imza atıb
-
11:04
PSJ 3 xalı 6 qolla qazandı VİDEO
-
10:58
Azərbaycan gimnastları “AGF Trophy” turnirinin son günündə 13 medal qazanıblar
-
10:49
"Bayer" yenə 3:2-yə sevindi VİDEO
-
10:35
“Səbail”in müdafiəçisi: “Qarabağ”a keçmədiyim üçün peşman deyiləm”
-
10:22
"Qalatasaray"ın əzmkar qələbəsi VİDEO
-
10:14
Azərbaycan atıcısı beynəlxalq turnirdə medal qazanıb
-
10:06
"Milan" səfərdə qələbə qazandı VİDEO
-
09:57
Azərbaycanın daha iki gimnastı Niderlandda qızıl medal qazanıb
-
09:43
"Yuventus" öz meydanında büdrədi VİDEO
-
09:30
Rahilin komandasından heç-heçə