"Azərbaycanda özümü daha rahat hiss edirdim"

Latviya millisinin sabiq hücumçusu Maris Verpakovskis yerli mətbuata müsahibəsində legioner həyatı haqda danışıb.

Futbolxeber.az saytının məlumatına görə, Sport Arena-ya danışan Verpakovskis “Bakı”dakı legioner həyatını da xatırlayı: “Azərbaycanda hər şey maraqlı idi. Təcrübə, fərqli mentalitet və insanlar. Oynadığım ölkələr arasında ən çox özümü Azərbaycanda rahat hiss edirdim.

Xorvatiya və Yunanıstanda da hər şey xoşuma gəlirdi. Futbol maraqlı idi, çünki futbol ölkələri idi. Orada da çox dostlarım qaldı. Şadam ki, oralarda futbol oynamışam, bu illər boşa getməyib”.