Rumın müdafiəçi: "Səbail"in növbəti mərhələyə adlamaq şansı var"

"Zirə"nin rumıniyalı müdafiəçisi Adrian Skarlatake Avropa Liqasının birinci təsnifat mərhələsində "Səbail"in qarşılacağı "Universitetya Krayova"nın gücünüdən danışıb.

Futbolxeber.az saytına açıqlama verən Skarlatake komandaların növbəti mərhələyə adlamaq şanslarını dəyərləndirib. Onun sözlərinə görə "Səbail" də Krayova təmsilçisini keçmək üçün yaxşı şansa sahibdi: "Universitetya Krayova"nın bir neçə oyunçusu komandanı tərk edib. Yeni transferlər isə çox deyil. Yaxşı və gərgin oyun olacağı məlumdu. Amma məncə, "Səbail"in də növbəti mərhələyə adlamaq şansı var. Məncə, şanslar 50/50-di".

"Hansı komandanın ikinci mərhələyə adlayacağını oyun göstərəcək. Düzdü, Krayova klubunun yaxşı qapıçısı var. Manue Noyer kimidi, önə çıxır, komanda yoldaşlarına ötürmə edir. Hər halda "Səbail"in də heyəti yaxşıdı, ona görə onların da növbəti mərhələyə adlamaq şanslarının olduğunu düşünürəm" -deyə, Adrian Skarlatake fikirlərini yekunlaşdırıb.