19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

“Neftçi”nin rəqibi haqda ilginc məlumat: Komanda Avroliqada oynamamalıydı

Avroliqanın birinci təsnifat mərhələsində "Neftçi"nin rəqibi olan Moldovanın "Speranta" klubu 1991-ci ildə yaradılıb.

Futbolxeber.az saytının məlumatına görə, əvvəllər menecerliklə məşğul olan, ölkəmizdə Opara, Kalinkov, Çesnauaskis kimi əcnəbilərin gəlişində rolu olan Petru Efros klubun prezidentidir. 

Похожее изображение

Onun oğlu Kristian Efros komandanın baş məşqçisidir. Cəmi 27 yaşı olsa da, artıq 5 ildir (!) “Speranta”nı çalışdırır.

“Sperante”nin kapitanı 29 yaşlı Stefan Efrosdur. Soyadları eyni olsa da, Stefanın klub prezidenti və baş məşqçi ilə qohumluq əlaqəsi yoxdur

Amma əvəzində prezident Petru Efrosun xanımı Qabriela Sandu da klubda çalışır. O, Maliyyə və Kadrlar şöbəsinin rəhbəridir.

“Speranta” ötən mövsümü 38 xalla 4-cü pillədə başa vurub və tarixində ilk dəfə avrokuboklara vəsiqə qazanıb. Amma Nisporeni təmsilçisi qitə kuboklarına heç də öz sayəsində vəsiqə əldə etməyib.

Yuxarıda qeyd etdiyimiz kimi, “Speranta” mövsümü 38 xalla dördüncü pillədə başa vurub. 5-ci olan “Zimbru” isə 36 xal toplayıb. Lakin mövsümün sonuna yaxın, daha dəqiqə desək, ötən il sentyabrında “Zimbru”nun hesabından 7 xal silinib. Bu baş verməsəydi, “Zimbru” 43 xalla dördüncü yeri tutacaqdı və belədə “Speranta” də Avroliqadan kənarda qalacaqdı.

“Zimbru” Alexandr Onico adlı futbolçunun xidmətindən istifadə etdiyinə görə cəzalanıb. Federasiya Oniconun sənədlərinin qaydasında olmadığını əsas gətirərək, onun iştirak etdiyi oyunların nəticələrini texniki məğbubiyyətlə (0:3) əvəzləyib və komandanın hesabından 7 xal silib. Qeyri-rəsmi məlumatlara görə, “Zimbru”nun cəzalanmasında “Speranta”yə yaxın olan kənar qüvvələrin böyük təsiri olub. Cəzalandıqdan sonra “Zimbru” bütün oyunları qələbə ilə başa vursa da, sona 3 tur qalmış hətta səfərdə “Speranta”nı 3:1 hesabı ilə məğlub etsə də, Avroliqaya yüksəlmək mümkün olmayıb.

Hazırda “Speranta” Moldova çempionatında 13 turdan sonra 19 xalla 5-ci pillədə qərarlaşıb. Son 2 turda məğlub olan (“Petrokub” 1:4; “Dinamo-Auto” 0:1) “Speranta”ın cari mövsümdəki ən yaxşı bombardiri 7 qol vuran Maksim Lurcudur. 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31