20 May 2019, Bazar ertəsi
"Qalatasaray" çempionluğunu rəsmiləşdirdi
"Sumqayıt" baş məşqçisiz qalır
Kuboku "Qəbələ" qazandı!
Mxitaryan Bakıya gətirilmir

Ölkə futbolu

Elşad Əhmədov: "Neftçi" kimi komandaya qarşı azlıqda oynamaq çətindir"

"Oyuna ciddi hazırlaşmışdıq. Buna qədər 3 matçda "Neftçi"dən xal götürməmişdik. Bu görüşdə ilk yarıda pis təsir bağışlamadıq".

Futbolxeber.az saytının məlumatına görə, bunu "Sabah"ın baş məşqçisi Elşad Əhmədov Azərbaycan Premyer Liqasının 25-ci turunda evdə "Neftçi"yə 0:2 hesabı ilə uduzduqları oyundan sonra söyləyib.

48 yaşlı mütəxəssis bildirib ki, matçın 55-ci dəqiqəsində Novruz Məmmədovun qırmızı vərəqə alması oyunlarına mənfi təsir edib: "İkinci sarı vərəqə epizoduna baxmaq lazımdır. "Neftçi" kimi komandaya qarşı azlıqda oynamaq çətindir".

Baş məşqçi buraxılan ilk qolda qapıçı Saşa Stamenkoviçin səhvə yol verməsinə də toxunub: "Bəli, qolda səhvi vardı, zərbəni dəf etmək olardı. Ancaq alınmadı. O, komandamız üçün lazımlı oyunçudur. Səhv hamımızındır. Bu yerlərə gəlməyimizdə həm Saşanın, həm də Marko Deviç kimi futbolçuların əməyi böyük olub. Mövsümün əvvəlində qarşımıza elitada qalmaq tapşırığı qoyulmuşdu. İndi mövsüm bitər, rəhbərlik qiymət verər".

Əhmədov Təmkin Xəlilzadənin əsas heyətdən kənarlaşdırılması barədə də danışıb: "Klubdaxili işdir, açıqlama vermək düzgün deyil. Nizam-intizamı pozduğuna görə cəzalandırılıb. Lazım olsa, klubdan açıqlama verilər".

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2019
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31





Click to Visit