"Qəbələ" - "Zirə": 18-ci duel

"Qəbələ" Azərbaycan Premyer Liqasının 25-ci turunda evdə "Zirə"ni qəbul edəcək.

Futbolxeber.az-ın klubun rəsmi saytına istinadən verdiyi məlumata görə, bu qarşılaşma iki komanda arasında 18-ci duel olacaq.

İndiyədək keçirilən 17 oyunda “Qəbələ” 6 qələbə qazanıb və 7 heç-heçə edib. Paytaxt təmsilçisi isə 4 dəfə qalib gəlib. Top fərqində də “qırmızı-qaralar” üstündür - 23:15.

Əyalət təmsilçisinin qollarına 14 futbolçu və avtoqol müəllifi olan rəqib oyunçu imza atıb. Aleksey Qay “Zirə”ylə görüşlərdə hamıdan çox - 4, Ermin Zets 3 qol vurub.

Əvvəlki 17 oyundan ikisi kubok, 15-i Premyer Liqa çərçivəsində baş tutub. Çempionatdakı matçlarda rəqiblər hərəyə 4 dəfə qalib gəlibsə, 5 dəfə sülhlə ayrılıblar. Bu oyunlarda "qırmızı-qaralar" 16 qol vurub, 13-nü buraxıb.

Xatırladaq ki, aprelin 19-da keçiriləcək “Qəbələ” - “Zirə” matçı saat 16:00-da başlayacaq.