Atilla "Sumqayıt"dan ayrılacaq

“Sumqayıt”ın hücumçusu Atilla Yıldırımın mövsüm sonunda komandadan ayrılacağı gözlənilir.

Futbolxeber.az saytının məlumatına görə, qışa qədər gözlənilən effekti vermədiyinə görə tənqid olunan Atilla komandaya Peyman Babayinin gəlişindən sonra “kimyaçılar”ın əsas heyətinə düşməkdə ümumiyyətlə, çətinlik çəkir. Türkəsilli forvardın xidmətində türk və holland klubları maraqlıdı. Məlumata görə, forvard yayda komandanı tərk edə bilər.

Əsas heyətə düşməkdə çətinlik çəkməsinə baxmayaraq, ola bilsin ki, qarşıdakı turda meydana çıxsın. Məsələ burasındadı ki, Peyman Babayi “Qarabağ”la görüşdə zədələnib və onun qarşıdakı turda oynayıb-oynamayacağı dəqiq deyil. Belə olan halda Atillanın meydana çıxması ehtimal edilir.