Kosovolu futbolçu "Keşlə"dən ayrıldı

“Keşlə”nin baxışa çağırdığı və Özbəkistanın U-23 komandası ilə görüşdə meydana çıxan Merqim Brahimi geri qayıdıb.

Futbolxeber.az saytının məlumatına görə, məsələ əslində baş məşqçinin yarımmüdafiəçini bəyənib-bəyənməməsilə bağlı deyil. Kosovo yığmasının üzvü problemləri olduğu üçün yaşadığı ölkəyə qayıdıb.

“Keşlə” hələ ki, Brahimi ilə bağlı son qərarını verməyib. Əgər o, problemlərini yoluna qoyub düşərgəyə qayıdası olsa, yenidən baxışdan keçiriləcək və ondan sonra haqqında tam qərar veriləcək. Xatırladaq ki, 1992-ci il təvəllüdlü yarımmüdafiəçinin son klubu Yunanıstan Superliqasında yarışan “Panionios” klubu olub.