14 Dekabr 2018, Cümə
Ərsun Yanal yenidən "Fənərbaxça"da
“Bu gün futbolçularımdan razı qaldım”
“Qarabağ” "Arsenal"a uduzdu
Prezident Mircavadovu mükafatlandırdı

Ölkə futbolu

Valeri Qazzayev: "Çempionatınızda komanda sayı minimum 12-16 olmalıdı"

Azərbaycan futbolunun istedadlı nümayəndələrindən biri, zəngin futbolçu karyerasına malik, Ukrayna, Rusiya, İspaniya və Portuqaliyada uğurlu legioner karyerasına malik olmuş, 1992-ci il Rusiya çempionatının bombardiri, 2019-cu ildə Bakıda keçiriləcək UEFA Avropa Liqası turnirinin final qarşılaşmasının səfiri kimi fəaliyyət göstərən Vəli Qasımovun 50 illik yubileyinə həsr olunmuş bugünkü yoldaşlıq oyununda maraqlı personalar yer almışdı. Onlardan biri əcnəbilərdən ibarət komandanın baş məşqçisi olan Valeri Qazzayev idi. Təcrübəli rusiyalı mütəxəssis matçdan sonra jurnalistlərin suallarını cavablandırıb.
 
- Azərbaycana xoş gəlmisiniz. Təəssüratllarınızı bilmək maraqlı olardı...
 
- Xoş sözlərə görə minnətdaram və bu bayram münasibətilə sizləri təbrik edirəm. Belə bayramları mütəmadi etmək lazımdı ki, futbolunuz populyarlaşsın. Azərbaycan futbolu zəngin tarixə, ənənələrə malikdi. Bunu unutsanız, belə matçlar, nümunələr olmasa, gəncləri bu ab-havada tərbiyə etməsək, heç bir inkişaf olmayacaq, stadionlar tam dolmayacaq. Siz KİV nümayəndələri bunu başa düşərək hər yerdə təbliğ etməlisiniz. Üstəlik, sizdə yaxşı stadionlar tikilər, yüksək şərait yaradılır. Bu gün İsgəndər Cavadov Futbol Akademiytasında oldum, ordakı əla şəraiti gördüm. Gözəl akademiyadı, işlər çox yaxşı qurulub. Bunlar isə gələcək nəsil üçün nəzərdə tutulub. Televiziya, mətbuat futbolu təbliğ hər zaman etsə, əlbəttə, uşaqlar inkişaf edəcəklər. Baxın, sizdə necə futbolçular olub, "Neftçi"nin necə tarixi var. Ona görə sizləri təbrik etmək istəyirəm. İkl növbədə də əlbəttə, səbəbkar Vəlini. Vaxtilə onun karyerasında mənim də rolum olub. O, yaxşı işlədi və xaricdən layiqli dəvət aldı. Qasımovu, Azərbaycan futbolunu təbrik edirəm. O, İsgəndər Cavadov, Nazim Süleymanov kimi mümunələr var. Bunlar Azərbaycan futbolunun canlı əfsanələridi. Hələ Kazbek Tuayev, Anatoli Banişevski və digərlərini demirəm. Çox şadam ki, bu gün möhtəşəm matç keçirdiniz. Vəli Qasımovla oynamış çox futbolçu bura gəlmişdi. Əlbəttə, bu, xoşdı və ölkə futbolunuzu inkişaf etdirmək istəyirsinizsə, belə diqqət həmişə olmalıdı.
 
- Digər tələbəniz Nazim Süleymanov bu gün fərqlənmədi...
 
- (gülür) Elədi, sürətini itirib. Ancaq əlbəttə. texnika Süleymanovda var. Nazim dahi futbolçu olub. O, təkcə "Alaniya"da yox, Rusiya futbolunda böyük iz buraxıb. Belə oyunçular indi gənclərə nümunə olmalıdı.
 
- Son vaxtlar Rusiya futbolu inkişafdadı...
 
- İlk növbədə onu qeyd etmək istəyirəm ki, ölkədə idmana prezidentimiz Vladimir Putin böyük diqqət göstərir. Qarşıda böyük vəzifə durur ki, sağlam həyat tərzi uğrunda mübarizə aparaq. Futbola gəlincə, əlbəttə, bu yay Rusiyada keçirilən dünya çempionatı böyük təbliğat oldu, bu idman növünü ölkədə xeyli populyarlaşdırdı. İndi praktiki olaraq bütün uşaq futbol məktəbləri, akademiyalar tam doludu. Çünki bura dünya şöhrətli futbolçular, ən güclü yığmalar gəlmişdi. Gənclər onları gördü və təbii ki, hər biri sabah özünü milli komandanın heyətində görür ki, dünya və Avropa çempionatında iştirak etsinlər. Üstəlik, yığmamıızn çıxışı böyük diqqət çəkdi. Rusiya millisi dünyanın ən güclü 8 yığması arasında yer aldı. Bu da böyük təbliğatdı. İndi onu deyə bilərəm ki, yaxın 10 ildə yaxşı yerli oyunçular alacağıq. Bu da belə populyarlaşdırmaya görədi. Ölkənin hər yerində akademiyalar var, 92 baza tikilib ki, onlarda gənclər futbolla məşğul olur. Azərbaycana da belə bayramlar keçirməyi arzu edirəm. 
 
- Rusiya çempionatında çox azərbaycanlı futbolçu çıxış edib. İndisə yoxdu. Problem nədədi?
 
- "Neftçi" SSRİ çempionatılnda oynayanda, yığmalara çağırılan xeyli futbolçu vardı. Təbii ki, bu zaman rəqabət vardı. İndisə ayrı, müstəqil çempionatlardı. Onların təkcə Rusiya yox, Avropada ölkə çempionatlarına çıxış etmələri üçün daxili çempionatınızda rəqabət olmalıdı. Bir "Qarabağ"la iş bitmir. Çempionatınızda 8 komanda çıxış edir. Bu da belə böyük ölkə, imkanlar üçün azdı. Ona görə hesab edirəm ki, minimum 12-16 komanda olmalıdı. Ümumilikdə bu istiqamətdə işləmək lazımdı. Təbii ki, futbolunuzu inkişaf etdirmək istəyirsinizsə. 
 
- Ramil Şeyadeyvin çıxışı haqda nə deyə bilərsiniz? O, Azərbaycan millisini seçəndən sonra heç də yaxşı oyun göstərmir...
 
- Məncə, çox pesrsepktivli futbolçudu. Bu icarələr, bir ölkədən digərinə getmələr həlledici oldu. Bu, onu bir az onu geri saldı. Digər azərbacanlı futbolçu Ayaz Quliyev isə bizim yığmada çıxış edir. Oyunu çox xoşuma gəlir və düşünürəm ki, daha yaxşı oynayacaq (sport24.az).



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2018
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31





Click to Visit