29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Baqali Dabo: “Qarabağ” “fair play”ə uyğun oynamadı”

"Neftçi”nin hücumçusu Baqali Dabo klubun rəsmi saytına müsahibə verib. Futbolxeber.az saytı həmin müsahibəni təqdim edir:

- "Qarabağ”ın qapısından keçirdiyiniz top sizin üçün əlamətdar olub. Bu, sizin Azərbaycan çempionatlarında vurduğunuz 25-ci qol idi. Qolları sayırsız?

- Xeyr, mən qollarımı saymıram, məhsuldar ötürmələrimi sayıram.

- Artıq siz bombardirlər siyahısında "Sabah”ın üzvü Marko Deviçlə 1-2-ci yerləri bölüşürsüz...

- Bu əladır, amma məqsədim çempionatın bombardiri olmaq deyil, "Neftçi” ilə çempion olmaqdır.

- "Qarabağ” üzərində qələbədən sonra eyforiyaya qapanmamaq çətindir?

- Əsla! Peşəkar futbolçuyuq, belə fikirlərdən uzaq olmalıyıq. Geridə cəmi 9 tur qalıb, çempionatın böyük hissəsi hələ qarşıdadır. Heç bir eyforiyadan söhbət gedə bilməz. İndi bütün fikirlərimiz "Keşlə” ilə oyuna yönəlib.

- "Gülümsəmirəmsə, o demək deyil ki, xoşbəxt deyiləm” sözlərini bu yaxınlarda demişdiz və vurğulamışdız ki, adətən qolları qeyd etmirsiz. Buna baxmayaraq, "Qarabağ”a üçüncü qolu vuranda sevincinizin həddi-hüdudu yox idi. Bilmək olar niyə?

- Düzü, qoldan bir neçə dəqiqə əvvəl rəqib "fair play”ə uyğun oynamadı. Bu amil məni bir az əsəbləşdirdi. Üstəlik, qol da vurdular. Bu oyunda, həm də o cür azarkeş dəstəyi altında bizi qələbədən başqa heç bir nəticə qane etməyəcəkdi. Biz qələbəyə layiq idik və üçüncü qol bütün suallara aydınlıq gətirdi. Ona görə də həmin an çox emosional idim.

- Sizcə, çempionluq uğrunda mübarizədə "Neftçi”nin əsas rəqibləri hansı klublardır?

- Məncə, bu mübarizədə əsas rəqiblərimiz "Qarabağ”, "Qəbələ” və "Sabah”dır.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31