“Neftçi” “Keşlə” ilə oyuna hazırlığına başladı

"Neftçi” Topaz Premyer Liqasının 10-cu turunda qarşılaşacağı "Keşlə” ilə oyunun hazırlığına start verib.

Futbolxeber.az saytının məlumatına görə, "Qarabağ” ilə qarşılaşmadan (3:1) sonra birgünlük fasiləyə buraxılan komanda bu gün "Türk Hava Yolları Futbol Mərkəzi”ndə məşqə çıxıb.

Məşqdə zədəlilər - Ruslan Abışov, Məhəmməd Mirzəbəyov və Qoran Paratskidən başqa bütün futbolçular iştirak edib. Hazırlıq sabah bir məşqlə davam edəcək.

Xatırladaq ki, "ASK Arena”da keçiriləcək "Keşlə” - "Neftçi” oyunu noyabrın 3-ü saat 17:00-da başlanacaq.