21 Noyabr 2019, Cümə axşamı
Milli üzvü “Qarabağ”ı tərk edəcək
XII turun hakim təyinatları
Joze Mourinyo rəsmən "Tottenhem”də
Millimiz Slovakiyaya uduzdu

Ölkə futbolu

AFFA Orxan Məmmədovla bağlı araşdırmaya başladı

Topaz Premyer Liqasının 9-cu turunda keçirilmiş “Sumqayıt” - “Qəbələ” oyununun baş hakimi Orxan Məmmədovun idarəçiliyi və oyundan sonra müxtəlif mənbələrdə səsləndirilən ayrı-ayrı fikirlərlə bağlı AFFA-nın Hakimlər Departamentinin (UEFA-nın Hakimlər Konvensiyasına əsasən, Hakimlər və Hakim-İnspektorlar Komitəsi birləşdirildiyi təqdirdə ümumi komitə Hakimlər Departamenti adlandırılır) sədri Fritz Stuchlik açıqlama verib.

Futbolxeber.az-ın məlumatına görə, AFFA-nın saytına açıqlamasında o, bununla bağlı deyib:

"Təbii ki, hər turun oyunları diqqət mərkəzində saxlanılır, oyunlardan sonra müvafiq təhlillər aparılır. Son günlərin müzakirə mövzusuna çevrilmiş “Sumqayıt” – “Qəbələ” oyununda hakim idarəçiliyi də bu baxımdan istisna deyil. Həmçinin oyundan sonra səsləndirilən bəzi fikirlərlə tanışıq. Hakimlər Komitəsi bir müddət əvvəl bütün hakimlərə, hakim-inspektor və AFFA nümayəndələrinə yazılı şəkildə bildirib ki, oyun dövrü istisna olunmaqla, klub nümayəndələri ilə hər hansı şəkildə ünsiyyət qurulmamalıdır. Əgər zərurət yaranarsa, Hakimlər Komitəsi tərəfindən mərkəzləşdirilmiş qaydada elektron poçt vasitəsilə əlaqə saxlanılmalı, klub rəsmiləri ilə telefon danışığı da olmamalıdır. Müzakirə mövzusu olan məsələ ilə bağlı Hakimlər Komitəsinə bu günə qədər klub tərəfindən rəsmi müraciət daxil olmasa da, komitə bu məsələnin araşdırılmasına başlayıb”.

Fritz Stuchlik araşdırma başa çatana qədər “Sumqayıt” - “Qəbələ” oyununun baş hakimi Orxan Məmmədov təyinat almayacağını bildirib: "Bir daha qeyd edirəm ki, hakimlər, hakim-inspektorlar və AFFA nümayəndələri təkcə təyinat aldıqları oyunlarda deyil, digər vaxtlarda da peşələrinin tələb etdiyi məsələlərə həssas yanaşmalı, açıqlamalarında, səsləndirdikləri fikirlərdə diqqətli olmalıdırlar”.

Xatırladaq ki, "Qəbələ" klubunun meneceri Səbuhi Səfiyarlı qol.az-a müsahibəsində bildirib ki, bir müddət əvvəl Orxan Məmmədov onlara hədələyici mesajlar yazıb, ötən həftə "Sumqayıt"la oyunda isə qərəzli hakimlik edib.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2019
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30