9 Aprel 2020, Cümə axşamı
Millimiz FİFA reytinqində neçəncidir?
E-topazdan maraqlı addım - #EvdəQal
Dsdaşov yenidən icarəyə verilir?
Rüştü Rəcbər xəstəxanadan buraxıldı

Ölkə futbolu

"Sportinq" və "Arsenal"la aramızda altı xallıq fərqin olması böyük amildi"

“Qarabağ”ın müdafiəçisi Qara Qarayev “Arsenal”la görüşdən sonra jurnalistlərə müsahibə verib. Futbolxeber.az saytı həmin müsahibəni təqdim edir:
 
 
- Qara, nə qədər çalışsanız da, “Arsenal”dan xal qopara bilmədiniz. Məğlubiyyəti necə şərh edəcəksən?
 
- “Arsenal”la matçın bu cür aurada keçməsi media və azarkeşlərdən asılı idi. Hamı bizi dəstəklədi, çox azarkeş var idi, hamıya təşəkkürümü bildirirəm. Oyuna gəldikdə isə, pis alınmadı, yaxşı oynadıq. Statistikalarda “Arsenal”dan geri qalmadıq. Qol imkanlarımız da var idi. Xüsusən də ilk yarıda Maksim Medvedev və Filip Ozobiçin qol epizodları var idi. İkinci yarıda isə Mahirin qol imkanı var idi. Yaxşı oynadıq, amma vura bilmədik epizodları. Əgər onlardan istifadə etsəydik, bəlkədə başqa cür olardı.
 
- Yaradılan qol epizodlarından nəyə görə yararlana bilmirik?
 
- Biz futbolçu olaraq daima ən yaxşısı üçün çalışmalıyıq. Deyə bilmərəm ki, bu gün elədik, sabah alınacaq ya yox. Bizim öhdəmizə düşən şey daima çalışmaqdı. Qalib gəlmək məsələsinə gəlincə, yəqin ki, tezliklə qələbə qazanmaq da alınar.
 
- Miçel sanki gözlənilən kimi oynaya bilmədi. Razısan?
 
- Düşünmürəm ki, Miçelin oyunu alınmadı. Sadəcə “Arsenal” daha çox cinahlardan oynayırdı. İlk hissədə xüsusən də belə idi. Beş müdafiəçi ilə oynayırdılar deyə, məcbur idilər buna. Miçellə mənə “qara iş” çox düşürdü. İkinci yarıda Miçel o qədər də pis oynamadı.
 
- Matçdan sonra Qurban Qurbanov çox məyus idi? 
 
- Oyundan qabaq bizə məsləhətlər vermişdi ki “heç nə yoxdu, oynayın, azarkeşlərə inamlı, maraqlı oyun göstərin”. Oyundan qabaq bizə motivasiya vermişdi. Matçdan sonra da bizə vuruşmağımıza görə təşəkkürünü bildirdi. Vuruşsaq da, nəticə əldə edə bilmədik. Bu da elə-belə komanda deyil. 
 
- Hazırda qrupda “Arsenal” və “Sportinq”in altı xalı var. Düşünmürsən ki, artıq qrupdan çıxacaq komandaların adı bəllidi?
 
- “Sportinq” və “Arsenal”la aramızda altı xallıq fərqin olması böyük amildi. Ancaq düşünürəm ki, yenə də oynamaq lazımdı. Qrupun son oyununa kimi vuruşmalıyıq. 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30