25 Noyabr 2020, Çərşənbə
"Qarabağ"la oyun çətin olacaq"
Prezident xalqa müraciət edib
“Qarabağ” İstanbula yollanır
Şuşanın havadan görüntüsü

Ölkə futbolu

Emin İmaməliyev: “Buraxılan qoldan sonra futbolçularımız ruhdan düşmədi”

UEFA Gənclər Liqasının Çempionlar yolunun I mərhələsinin ilk oyunları çərçivəsində keçirilən “Qəbələ” - “Şerif” (Moldova) oyunundan (1:1) sonra “qırmızı-qaralar”ın baş məşqçisi Emin İmaməliyevin mətbuat konfransı keçirilib.

Futbolxeber.az-ın klubun rəsmi saytına istinadən verdiyi məlumata görə, 38 yaşlı mütəxəssis görüşlə bağlı bunları deyib:

“Oyunun çətin olacağını bilirdik. Rəqib köklü, yaxşı komandadır. “Şerif”i yaxşı təhlil etmişdik. Bilirdik ki, rəqibimiz səfər matçında əks-hücum futbolu oynayacaq. Buna baxmayaraq, bir diqqətsizlik moldovalıların hesabı açması ilə nəticələndi. Buraxılan qoldan sonra futbolçularımız ruhdan düşməyib, sonadək mübarizə apardı. Duel iki oyundan ibarətdir. Çalışacağıq ki, səfərdə sərfəli nəticə əldə edək. Mərkəzlə müdafiəni yara bilməyəndə cinahlarla bunu etməyə çalışdıq.

Rəqibin təhlili zamanı görmüşdüm ki, ucaboy mərkəz müdafiəçiləri cinah hücumları zamanı səhvlər buraxır. Bu üzdən oyunumuzu belə qurmuşduq. İlk yarıda zəif oynadığımızı düşünmürəm. Bir səhv buraxdıq ki, rəqib də bundan yararlandı. Fasilədən sonra təzyiqi artırdıq, hesabı bərabərləşdirdik. Daha bir, hətta iki qol vura bilərdik. Lakin oyunçularımızda təcrübə çatmadı. Komandamızın hər iki hissədəki oyunundan razı qaldım. Artıq rəqibi daha yaxşı tanıdığımızdan səfərdə asan olacaq. Rəqib meydanında bizə qələbə lazım olduğundan ikinci hissədəki tempdə oynayacağıq. Komandamızda yetərincə potensiallı futbolçular var. Mərhələ keçəcəyimizə inanıram. Səfər matçı fərqli olacaq. Tiraspolda da məqsədimiz qələbə qazanmaqdır”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2020
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30