7 Avqust 2020, Cümə
"Sumqayıt"dan növbəti transfer
Avroliqa: 1/4 finalçılar müəyyənləşdi
Arda Turan yenidən "Qalatasaray"da
"Qarabağ"dan "Keşlə"yə 4 cavabsız qol

Ölkə futbolu

Qurban Qurbanov: "Mxitaryanın gəlməməsi hamımız üçün yaxşıdı"

"Qarabağ"ın baş məşqçisi Qurban Qurbanov Avropa Liqasının qrup mərhələsi çərçivəsində "Arsenal"a qarşı keçiriləcək görüşdən öncə mətbuat konfransında çıxış edib. Futbolxeber.az saytının məlumatına görə, Qurban Qurbanov öncə matçla bağlı fikirlərini bildirib: 
 
- Dünyanın ən güclü çempionatında çıxış edən komandaya qarşı oynayacağıq. Əlavəyə ehtiyac yoxdu. Çox ciddi hazırlaşırıq oyuna. İnanıram ki, sabah hər birimizi yaxşı oyun gözləyir. Çalışacağıq ki, sona qədər yaxşı mübarizə aparaq və ən azından yaxşı oyun göstərək".
 
- Henrik Mxitaryanın Bakıya gəlməməsi bizim üçün üstünlük ola bilərmi?
 
- İstəməzdim ki, siyasət futbola qarışsın. Amma bəzən bunsuz mümkün deyil. Belə hallarda hər bir klub öz futbolçusunu daha da qoruyub saxlamaq istəyir, ciddi yanaşır. Əlavə söz-söhbət olması haqda düşünmək istəmir. İdmanda belə hallara rast gəlmişik. Ancaq bura gələn idmançılar da olub, normal qarşılanıblar.
Təbii ki, təzyiqlər olub və normaldı. Elə insanlar var ki, müharibədə öz əzizlərini itirib, düşmən kimi baxılır. Ola bilər emosiolarını saxlaya bilməz. 10-15 nəfər təzyi edirsə, bu hamının etirazı deməkdi. Ona görə klub düzgün addım atıb. Mxitaryanın olmaması hamımız üçün yaxşıdı. Hamımız üçün yaxşıdı. Oyundan qorxmağa görə yox, başqa məsələyə görə.
 
- Donald Geryenin olmaması təqdirdə Abbas Hüseynova, yoxsa Ansi Aqolliyə şans veriləcək?
 
- Tək Gerye yox, bir neçə futbolumuz oynamır. Təxmini heyəti bilirəm. Amma hələ vaxtımız var. Sabah oyunda qəti qərar veriləcək.
 
- Hazırkı “Arsenal” Arsen Vengerin vaxtındakından çox fərqlənir?
 
- Onların oyununu izləmişəm. Hətta öz oyunçularının açıqlamalarından görünür ki, daha çox qol vurmağı tələb edir Unai Emeri. Bunun da şahidi olmuşuq. “Arsenal”ın kökü var. Nə qədər yeni məşqçi gəlsə də, onlar topla oynamağı çox xoşlayırlar. Sadəcə belə turnirlərdə Emeri çox təcrübəlidi. İşlədiyi klublarda böyük uğurlar əldə edib, əsasən də Avropa Liqasında. Hiss olunur ki, komandada sürətli oyunçuların sayı çoxalıb. Bu bugünki futbolda önəmli faktordu. Sabah bəzən onlara qarşı təkcə topla yox, mübarizədə diqqətli olmalıyıq. Arsen Vengerin oyunun öz gözəlliyi, Emerinin oyunun öz gözəlliyi var.
 
- “Qarabağ” “Arsenal”dan xal ala biləcək?
 
- Dəfələrlə demişəm ki, bu cür klubların Azərbaycana gəlməsi ölkə futbolu və bizim üçün böyük təcrübədi. Futbolun sevilməsi üçün şansdı. Azarkeşlərimiz belə oyunlara daha çox böyük maraq göstərir. Hər oyundan sonra iki min, üç min azarkeşimiz çoxalsa yaxşıdı. Belə böyük klublara qarşı oynamışıq və uğurlu oyunlarımız da olub. Azarkeşlərimizi tək nəticə yox, mübarizəmizlə də razı salaq. Düşünürəm ki, qalan işlər pis alınmaz.
 
- Psixoloji sarıdan işlər görmüsüz?
 
- Hər şey normaldı, qaydasındadı. Futbolçularımızın da böyük təcrübəsi var. Məncə, psixoloji tərəfdən problem olmayacaq Futbolçularım sabah rahat, həzz almaq üçün özlərini yaxşı tərəfdən göstərəcəklər.
 
- “Arsenal”ın oyuna ikinci heyətlə çıxacaq. Bu müsbət haldı, ya mənfi?
 
- “Arsenal”da ikinci heyət var? İnanmıram ki, oradakı oyunçular ikinci heyət olsun. Biz bilirik ki, “Arsenal”a qarşı oynayırıq.
 
- “Kukesi”, “Şerif”lə görüşlərdə stadion dolmurdu. Amma sabah tribunaların dolu olacağı gözlənilir. Bizim azarkeşlər üçün rəqib komandanın adı daha çox önəmlidi?
 
- Futbol elə oyundu ki, hava ilə azarkeş yığmaq və ya yığmamaq düzgün çıxmaz. ELə oyunlarımız olub ki, istənilən hava şəraitində stadion dolu olub. Böyük klublara qarşı maraq tam başqa olur. İstər-istəməz azarkeş bunu hiss edir, onları görmək istəyir. Özümüzdə böyük klublara maraq göstərir. Bizim üçün stadionun dolu olması vacibdi. Amma biz heç vaxt təkcə stadionda olanları düşünməmişik, azarkeşlərimiz çoxdu. O qədər azarkeş tanıyıram, stadiona gəlmirlər amma ən sadiq azarkeşlərimizdən biridi. Azarkeş nə qədər çox olsa, mən və futbolçular daha məsuliyyətli oluruq.



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2020
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31