9 Aprel 2020, Cümə axşamı
Millimiz FİFA reytinqində neçəncidir?
E-topazdan maraqlı addım - #EvdəQal
Dsdaşov yenidən icarəyə verilir?
Rüştü Rəcbər xəstəxanadan buraxıldı

Ölkə futbolu

Ağabala Ramazanov: "Qarşımıza hansısa məqsəd qoyulmayıb"

“Səbail”in forvardı Ağabala Ramazanov Futbolxeber.az saytının suallarını cavablandırıb:
 
 
- “Neftçi” ilə görüşə pis başlamamışdınız. Görünürdü ki, komanda rəqibdən xal almaq istəyir. Bəs nəyə görə sonluq bu cür oldu?
 
- İstəyirdik ki, xal qazanaq. Amma nələrsə çatmadı. Ona görə də sonda uduzduq.
 
- Madu Jarjuenin müdafiədəki kobud səhvi komandaya deyəsən çox pis təsir etdi. Hər halda həmin qoldan sonra komanda özünə gələ bilmədi...
 
- Bu futboldu, hamımız səhv edə bilərik. Madu da cavan oyunçudu, ona ancaq dəstək olmalıyıq. Onun səhvi hamımızın səhvidi.
 
- “Səbail”in heyətində ən aktiv futbolçu sən idin desək yanılmarıq. İki dəfə qol vurmaq imkanın oldu, ancaq Səlahət Ağayev buna imkan vermədi...
 
- Bəli, fərqlənmək istəyirdim. Amma bu məndə alınmadı.
 
- Bəzi jurnalistlər və azarkeşlər hesab edir ki, “Səbail”in oyunu yoxdu, meydanda nə etmək istədikləri bilinmir. Bu barədə nə demək istəyərdin?
 
- Bu suala mən cavab verə bilmərəm. Hər halda baş məşqçimiz bu suala cavab verə bilər.
 
- Qarşıdakı turda rəqibiniz “Sumqayıt”dı. Həmin matçda qalib gələ biləcəksiz?
 
- Bu oyun bizim üçün çox vacib oyun olacaq. Ümid edirəm ki, sevinən tərəf biz olarıq.
 
- “Səbail”in bu mövsümdəki məqsədi nədi? Avropa Liqasına vəsiqə qazanmağınız realdı?
 
- Bizim qarşımıza hansısa məqsəd qoyulmayıb. Ancaq biz də maksimum xal toplayıb, Avropa Liqasına getmək istəyirik. Əgər əlimizdə belə şans varsa, bu cür gözəl heyətimiz varsa niyə də getməyək?
 
- “Qarabağ”ın sabiq futbolçusu kimi, necə düşünürsən, komanda “Arsenal”la görüşdə istədiyi nəticəni qazana bilər?
 
- Qrupun ən güclü rəqibinə qarşı oynayacaqlar, çətin olacaq. Məğlub olmasaq ən gözəl nəticə olar. “Qarabağ”a uğurlar arzu edirəm.
 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30