Rahid Əmirquliyev: "Qarabağ" "Atletiko" ilə oyunda göstərdi ki..."

"Səbail”in kapitanı, “Qarabağ”ın sabiq futbolçusu Rahid Əmirquliyev Futbolxeber.az saytına açıqlama verib.

Təcrübəli futbolçu Ağdam klubunun Avropa Liqasının qrup mərhələsi çərçivəsində “Arsenal”a qarşı oynayacağı görüşü dəyərləndirib: “İngiltərə klublarına qarşı oynamaq hər zaman çətindi. “Arsenal” da həmişə çempionluğa oynayan komandadı.

“Qarabağ”ı çox çətin oyun gözləyir. Amma unutmayaq ki, “Qarabağ” “Atletiko”ya qarşı oyunda göstərib ki, böyük komandalara qarşı da oynamaq olar. İnanıram ki, “Qarabağ” bu oyunda “Arsenal”a qarşı ən azından layiqli oyun göstərəcək. “Qarabağ”a uğurlar arzu edirəm”.