İtaliyalı futbolçu "Keşlə"nin uğursuz çıxışı haqda nə dedi?

“Universitatea Krayova” klubunda çıxış edən Sezar Meza Kolli “Keşlə” barədə danışıb.

Futbolxeber.az saytına açıqlama verən italiyalı yarımmüdafiəçi sabiq komandasının uğursuz çıxışı haqda fikirlərini bildirib. Bununla yanaşı Rumıniya klubunda oynamamasına aydınlıq gətirib: “Zədəli idim, ona görə də oyunlara çıxa bilmirdim. Artıq müalicəmi başa vurmuşam və məşqlərə start vermişəm. Qarşıdakı tura qədər hazır olacağımı düşünürəm. Əslində bura gələndən bəxtim də gətirmir, zədə aldım, bir ay məşqlərdən uzaq qaldım.

“Keşlə”nin son üç oyununu izləmişəm. “Keşlə”nin uğursuz çıxışına baxmayaraq, məncə, komandanın yaxşı futbolçuları var. Qələbələr qazanaraq, turnir cədvəlində yüksəlməsi üçün “Keşlə”nin bir qələbəyə ehtiyacı var. Sadəcə daha çox işləmək lazımdı, nəticə özü gələcək”.