Millimiz qələbəni əldən verdi

21 yaşadək futbolçulardan ibarət Azərbaycan millisi bu gün Avropa çempionatının seçmə mərhələsində növbəti oyununa çıxıb.

Futbolxeber.az saytının məlumatına görə, Rəşad Sadıqovun rəhbərlik etdiyi kollektiv "Dalğa Arena"da İsraillə üz-üzə gəlib.

Matça fəal başlayan yığmamız erkən qolla hesabı açıb. Daha sonra rəqib hesabı bərabərləşdirib. Sona yaxın yığmamız qələbə qolunu vurmağa yaxın olsa da, penaltidən yararlanmaq mümkün olmaylb.

Qeyd edək ki, geridə qalan müddətdə seçmə mərhələdə yığmamız 7 oyunda yalnız 1 xal qazana bilib və qrup sonuncusudur. İsrail isə 7 xalla qrupda beşinci yeri tutur.

Avropa çempionatı, seçmə mərhələ oyunu

6 sentyabr

V qrup

Azərbaycan U-21 - İsrail U-21 1:1

Qollar: Rüfət Dadaşov, 1 (1:0), Vayssman, 30 (1:1)

Hakimlər: Trustin Farrugia Cann, Alan Camilleri, Luke Portelli, Malcolm Spiteri (hamısı Malta)

"Dalğa Arena"