Əfran İsmayılov: “Sumqayıt”ın şərtləri Türkiyə klublarından daha sərfəli idi”

Milli komandamızın əsas oyunçularından sayılan Əfran Ismayılov "Qarabağ"da son vaxtlar stabil oynamamasına görə millinin də budəfəki toplanışından kənar qaldı. Karyerasını Türkiyədə davam etdirəcəyi gözlənilsə də, Ismayılov "Sumqayıt"la anlaşıb. Ismayılov seçimi ilə bağlı Futbolxeber.az saytına müsahibə verib:

- Artıq "Sumqayıt"la razılığa gəlmisən?

- Bəli, elədi ki var. Demək olar "Sumqayıt"la tam razılığa gəlmişik. Bircə qalıb ki, gedib müqaviləyə qol çəkim.

- Maraqlıdı, nəyə görə məhz "Sumqayıt"ı seçəsi oldun?

- Bu komandanı seçməyimdə çox səbəblər var. Hər bir şeyi fikirləşərək qərar verdim. Rəhbərlik bütün şərtlərimlə razılaşdı. Həm daima oynamağım üçün, həm də şərtlərimlə razılaşdıqlarına görə seçimim "Sumqayıt" oldu. Bu komanda üçün əlimdən gələni edəcəm.

- Bir ara Türkiyə Superliqasında oynamaq imkanın olduğu deyilirdi. "Sivasspor", "Ərzurumspor"la adın hallanırdı. Bu iki klubdan birinə keçidinin alınmasını istəyərdin?

- Bəli, Türkiyəyə yollanmaq məsələm var idi. Sadəcə elə səbəblər var ki, onlar məni tam razı salmadılar. Tam razı salmadıqlarına görə, müqayisə etdim, komanda şəklində yox, şərtlər şəklində "Sumqayıt" daha çox sərf etdi. Həm ölkəmdə, həm evimin içindəyəm.

- Nazim Süleymanovla indiyə qədər işbirliyin olub? Səncə, yeni komandan Süleymanovun başçılığı altında uğur qazana biləcək?

- Bəli, onunla U-21 yığmasında çalışmışam. Azərbaycanın sayılıb-seçilən məşqçilərindən biridi. Inanıram ki, birlikdə yaxşı günlərimiz, yaxşı nəticələrimiz olacaq. Onun baş məşqçi t əyin olunmasına, bu cür məşqçi ilə işləyəcəyimə görə sevinirəm. Hamımız azərbaycanlı uşaqlarıq, hamımız birlikdə  çalışıb, yaxşı nəticələr vermək istəyirik.

- "Sumqayıt"da əsas məqsədin nə olacaq?

- Komanda ötən mövsüm son anda avrokuboklardan uzaq qaldı. Bu il də məqsəd dəyişməyəcək. Çalışacağıq ki, avrokuboklara vəsiqə qazanaq. Görək nə dərəcədə alınacaq. Əsas odu ki, hamı bir nöqtəyə vursun.

- Milli komandamızın son toplanışına dəvət olunmasan da, komandanın əsas oyunçularındansan. Yığmamız Qazaxıstana məğlub olduqdan sonra, Latviya üzərində qələbə qazandı. Futbolçularımızdan belə nəticə gözləyirdin?

- Açığı desəm, oyunlara elə də baxmamışam. Qazaxıstanla oyunun ikinci yarısına baxmışdım. Millimiz gözlənilməz uduzdu. Komanda Latviya ilə oyun üçün yığışa bildilər. Rəqibi udduqlarına görə şadam. Bu da onu göstərir ki, baş məşqçi uşaqları oyuna hazırlaşdıra bildi.

- Millətlər Liqasında milliyə kömək etmək, yenidən Qurban Qurbanovla çalışmaq istəyirsən?