Samir Əliyev: "Bugünkü hakimlərin səviyyəsi budur”

"Uduzmaq istəmirdik. Rəqibin ustalıq səviyyəsi öz sözünü dedi”.

Futbolxeber.az saytının məlumatına görə, bunu "Səbail”in baş məşqçisi Samir Əliyev Topaz Premyer Liqasının 27-citurunda "Neftçi”yə 1:3 hesabı ilə məğlub olduqları oyundan sonra mətbuat konfransında deyib.

O, fikrini bu sözlərlə davam etdirib: "Futbolçularıma narazılığım yoxdu. Bacarıqlarını göstərdilər. İki komandanı müqayisə etdikdə, "Neftçi”nin ehtiyatda oturan 4 oyunçusunun məvacibi bizim ümumi komandanın məvacibindən çoxdu”.

S.Əliyev ilk hissənin sonlarında texniki zonadan qovulmasına da münasibət bildirib: "Hakimlər barədə danışmaq istəmirəm. Şəxsi fikrim belədi ki, bugünkü hakimlər briqadasının səviyyəsi budur. Əlbəttə, əsəblərimə hakim ola bilmədim. Haqlı olaraq da texniki zonadan qovuldum”(sportnet.az).