12 Iyul 2020, Bazar günü
De Byazinin təyinatına sözardı
Ansi Aqolli millimizdə çalışacaq?
"Neftçi" Dario ilə yollarını ayırdı
“Sabah”da ispan baş məşqçi

Ölkə futbolu

Qriqorçuk: “Qarabağ”la görüşə başqa cür yanaşmaq olmaz”

Topaz Premyer Liqasının XXVII turunun “Sumqayıt” - “Qəbələ” oyunundan (0:2) sonra “qırmızı-qaralar”ın baş məşqçisi Roman Qriqorçukun mətbuat konfransı keçirilib.

Futbolxeber.az saytının məlumatına görə, ukraynalı mütəxəssis komandasının qələbəsini belə şərh edib:

“Az öncə futbolçularıma dediyimi təkrarlayacam. Onlara “afərin” deyirəm. Oyuna çox ciddi yanaşmışdılar. Futbolçular çox həvəsli, prinsipial idilər, qələbəyə can atır, irəli gedirdilər. Hətta hesab bizi qane edəndə də, hücumları dayandırmırdılar.

Oyunçuların futbola yanaşması çox xoşuma gəldi. Əksər hallarda belə yanaşma nəticəsini qələbə şəklində verir ki, bu gün də belə oldu. Belə düzgün yanaşmaya çox şadam. “Qarabağ”la son turun oyununda ehtiyat futbolçulara şans verməkdən söhbət gedə bilməz. Meydana ən güclülər çıxacaq. “Qarabağ”la görüşə başqa cür yanaşmaq olmaz. Bu matça maksimal ciddi, qalib gəlmək, yaxşı oynamaq istəyi ilə çıxacağıq. Komanda daha da güclü olmalıdır. Qarşıda kubokun finalının olduğunu da nəzərə alsaq, bu, həm də yaxşı hazırlıq xarakteri daşıyacaq.

Son turun “Qarabağ”la qarşılaşmasının Bakıda keçirilməsinə etirazım yoxdur. Bu gün rəqib haqda danışa bilmərəm. Bizim komanda bir çox epizodlarda ustalıq səviyyəsini nümayiş etdirdi, qollar vurdu. Bu olmasa, heç vaxt qol vura bilməzdik. Bu məqam da sevindiricidir. Filip Ozobiçin kiçik zədəsi var. Buna görə də onun oynaması, xüsusilə də süni örtükdə meydana çıxması məsləhət deyildi. Amma hazırlığını davam etdirir və növbəti oyunda iştirakı durumundan asılı olacaq”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31