“Gücümüzü kuboka saxlamışıq”

“Üç gün öncə Azərbaycan kubokunda üz-üzə gələn komandalar qarşılayırdı. Deməzdim ki, oyuna ciddi hazırlaşmamışdıq. Bəzi yerli oyunçulara şans vermişdik. Gücümüzü kubokdakı cavab görüşünə saxlamışıq”.

Futbolxeber.az saytının məlumatına görə, bunu "Keşlə”nin baş məşqçisi Yuri Maksimov Topaz Premyer Liqanın 23-cü turunda səfərdə "Sumqayıt”la 1:2 hesabı ilə uduzduqları oyundan sonra deyib. O, matçın hakimliyinə etirazı olmadığını, baş hakim Rauf Cabbarovun görüşü necə lazımdırsa, elə də idarə etdiyini bildirib: “Düzdü, ikinci qolun oyundankənar epizoddan vurulduğunu söyləyirlər. Amma təkrara baxmaq lazımdır”.

Ukraynalı mütəxəssis  "Sumqayıt”la kubokun yarıfinal mərhələsinin təkrar görüşü haqda deyib: “Heyət və taktiki planda dəyişikliklərin olması mümkündür”.