24 Oktyabr 2019, Cümə axşamı
IX turun hakim təyinatları açıqlandı
Turun oyunçusu - Rəhman oldu
Nazarovdan Almaniyada yeni rekord
Lixtenşteynlə oyun Sumqayıtda

Ölkə futbolu

Samir Abasov: “Bəlkə yayda burda olmadım”

"Həmişəki kimi "Keşlə” ilə oyun ağır keçdi. Sevindirici haldır ki, udduq. Amma hər iki hissədən narazı qaldıq. Yorğunuq, özümüzə gələ bilmirik. Xarakterin hesabına qalib gəldik. Amma bu, bizi sakitləşdirmir. Son matçları həddindən artıq pis keçiririk”.

Futbolxeber.az saytının məlumatına görə, bunu "Sumqayıt”ın baş məşqçisi Samir Abasov Topaz Premyer Liqasının 23-cü turunda evdə "Keşlə” ilə oyundan (2:1) sonra deyib.

O, matçdan sonra təşkil edilən mətbuat konfransında sualları da cavablandırıb:

-  Rail Məlikovu ehtiyatda saxlayıb, 4 müdafiəçi ilə oynamaq riskli deyil ki?

- Railin zədəsi vardı. "Qəbələ” ilə görüşdə Vurğun Hüseynovu riskə atdıq, hələ də başımızı döyürük. Uşaq hələ özünə gələ bilmir. Bu gün "Sumqayıt”dan bir neçə oyunçu milliyə çağrılır. Milli də 4 müdafiəçi ilə oynayır. Bu gün sistemdə problemimiz yox idi. İlk hissədə küləyə qarşı oynayırıdıq, faciə idi. "Keşlə” ilə Azərbaycan kubokunun cavab yarımfinal matçına görə bir az həyacanlanıram, həm də qorxuram.

- Qapıda Fərhad Vəliyevin əvəzinə Mehdi Cənnətovu oynatmağınız nə ilə bağlıdır?

- Oynamayan uşaqlar da oynamalıdır. Bizdə beyin yorğunluğu var. Uşaqlara istirahət lazımdır.

- "Sumqayıt” millinin sistemində oynamağa məcburdur?

- Bəlkə yayda burda olmadım. Yeni gələn məşqçi baxacaq ki, bunlar 4 müdafiəçi ilə oynaya bilmirlər. Futbolçular hər bir sistemdə oynamağı bacarmalıdırlar.

- "Keşlə”nin baş məşqçisi Yuri Maksimov kubokun cavab matçı üçün sürprizlərinin olduğunu söylədi. Bəs, sizdə necə?

- Planlarım var. Amma mən Maksimov kimi ürəklə deyə bilmərəm. Bəlkə, ilk matçda 1:0 udub deyə, rahat şəkildə bunu söyləyə bilir (sportnet.az).

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  






Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31