"Qarabağ" üçün 131 yaşlı rəqib

Avroliqanın III təsnifat mərhələsində "Qarabağ" İsveçin "Gefle" klubu ilə qarşılaşacaq. Futbolxeber.az-ın məlumatına görə, "Gefle" Norveçin ən yaşlı klublarından biri hesab olunur. Komandanın əsası 1882-ci il, dekabrın 5-də qoyulub.

2006-cı ildə İsveç kubokuna yiyələnən "Gefle", 2004-cü ildə də ikinci liqada çempionluq yaşayıb. Cari mövsüm "Gefle"nin avrokuboklardakı üçüncü çıxışıdır. Avrokuboklarda 2006-cı ildə debüt edən "Gefle" UEFA Kubokunun ilk mərhələsində Uelsin TNS klubuna uduzaraq (1:2) mübarizəni dayandırıb. 2010-2011 mövsümündə yenidən UEFA kubokunda iştirak edən İsveç klubu ilk mərhələdə Farer adalarının "Runavik" klubunu mübarizədən kənarlaşdırsa da (4:1), ikinci mərhələdə Tbilisi "Dinamo"su qarşısında aciz qalıb - 2:4. Cari mövsümdə komanda əvvəlcə "Narva Trans"ı (8:1), daha sonra isə "Anortosis"i (4:3) mübarizədən kənarlaşdırıb.

Komanda ev oyunlarını "Stromvallen" arenasında keçirir. Stadionun tamaşaçı tutumu 7302 nəfərdir. Klubun prezidenti Leif Lindstrand, baş məşqçisi isə Per Olssondur. Son mövsümdə "Gefle" İsveç çempionatında 11-ci yeri tutub. Cari mövsümdə isə komanda 16 turda cəmi 2 qələbə qazanmaqla 14 xal toplayıb və 12-ci pillədə qərarlaşıb.