16 Oktyabr 2019, Çərşənbə
Millimiz İsveçrəyə uduzdu
U-19 San Marinoya qalib gəldi
VII turun hakim təyinatları
Millinin ən yaxşısı - Şeydayev

Ölkə futbolu

Fərhad Vəliyev: "Qarabağ"a çempionatda da qalib gəlmək olar"

"Sumqayıt"ın qapıçısı Fərhad Vəliyev Qol.az-a müsahibə verib: Futbolxeber.az saytı müsahibəni təqdim edir.
 
- Son turda "Keşlə"yə qalib gəldiniz. Bu qələbə "Qarabağ"la oyunqabağı komandanızı ruhlandırıb?
 
- Qış fasiləsindən sonra oyunlarımız uğurlu alınır. Səfərdə keçirdiyimiz iki görüşdən 4 xalla dönmüşük. Ev oyunumuzda isə qalib gəldik. Bizi "Qarabağ"la böyük bir imtahan gözləyir. Komandamızda əhval-ruhiyyə yaxşıdır. Bəzi zədəlilərimiz vardı ki, onlar da sıraya qoşulublar. Hər şey əladır. Çalışacağıq ki, ən azından "Qarabağ"a məğlub olmayaq. 
 
- "Qarabağ"ı kubokdan kənarlaşdırdınız. Rəqib bunun heyfini çıxmağa çalışacaq. 
 
- Düzdür, "Qarabağ" da yarımfinala çıxmaq istəyirdi. Ancaq futbolda belə nəticələr olur. "Qarabağ" hər oyuna qələbə üçün çıxır. Təbii ki, qeyd etdiyiniz amil də bir qədər özünü göstərəcək. Ancaq biz çalışacağıq ki, kubokda olduğu kimi bu dəfə də yaxşı nəticə qazanaq. Bilirik ki, çox çətin olacaq. Çünki reallıqdır ki, "Qarabağ" bu gün həm heyəti, həm də göstərdiyi oyunu ilə bizdən üstündür. 
 
- "Sumqayıt" kubok oyunundakı qələbənin təsadüf olmadığını sübut etməyə çalışacaq?
 
- Ən azından məğlub olmamaqla bunu göstərməyə çalışacağıq. Ancaq iİstənilən nəticə qeydə alına bilər. 
 
- "Sumqayıt" bu gün Premyer Liqamızda ən çox azarkeş kütləsinə malik olan komandalardan biridir. Doğma meydan amili "Qarabağ"dan xal almağa kömək edə bilər? 
 
- Əlbəttə, "Qarabağ" kimi komandanı kubokdan kənarlaşdırmışıqsa, çempionatda da qalib gəlmək olar. Düşünürəm ki, bütün Sumqayıt bu oyuna yaxşı hazırlaşıb. Həm, azarkeşlər, həm də bizim kollektivimiz. Məncə, azarkeşlər maraqlı oyun izləyəcək. 
 
- "Sumqayıt" digər klublarımızdan fərqli olaraq sırf yerli futbolçularla mübarizə aparır. Bununla belə, komanda medallar uğrunda yarışır.
 
- Baş məşqçimiz Samir Abasovun əməyi böyükdür. Xeyli müddətdir komandaya rəhbərlik edir. Futbolçuları tədricən bu səviyyəyə gətirib çıxarıb. Əsas məşqçilər korpusunun işini vurğulamaq lazımdır. Komandamız kollektiv oyun sayəsində yaxşı çıxış edir. Bəli, ən sevindirici məqam odur ki, biz legionersiz heyətimizlə çempionatda yaxşı mübarizə aparırıq. 
 
- Turnir cədvəlinin 3-cü pilləsində qərarlaşan "Zirə" ilə xal fərqiniz 5-ə enib. Bu, iddianızı artırır?
 
- Biz ilk dəfədir ki, Avroliqaya vəsiqə üçün belə yaxşı şans qazanmışıq. Kubokda mübarizəmizi davam etdiririk. Çempionatda isə 4-cü yerdəyik. Hansı ki, Avroliqaya vəsiqə üçün yaxşı mövqedir. Hər iki cəbhədə sona qədər oynayacağıq. Kuboku da qazana bilərik. Ancaq hələ ki, çempionat oyunlarını düşünürük. Təbii ki, biz də avrokuboklarda çıxış etmək istərdik. 
 
- "Sumqayıt"la müqavilən nə vaxt bitir? Karyeran haqda nə düşünürsən?
 
- Mövsümün sonunda müqaviləm başa çatacaq. "Sumqayıt" istəsə, keryeramı bu komandada davam etdirəcəm. Ancaq hələ ki, bu barədə danışığımız olmayıb.



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31