27 May 2018, Bazar günü
“Qarabağ” 9 futbolçuyla vidalaşdı
Etopaz-da bu gün 15 canlı oyun
“Qəbələ”dən növbəti çempionluq
Cavid Hüseynova sərt cəza

Ölkə futbolu

“Kluba ləkə yaxmaqla Tovuz futbolunu gözdən salmaq istəyirlər”

Premyer Liqaya vəsiqə qazana bilməyən “Turan Tovuz” cari mövsümün ikinci yarısının hazırlıqlarını doğma rayonda davam etdirir.

Futbolxeber.az saytının məlumatına görə, Tovuz klubunun Müşahidə Şurasının sədri Oqtay Abdullayev açıqlamasında bu mövsümdə də medallar uğrunda mübarizə apardıqlarını bildirib:

“Ötən mövsüm azarkeşlərimizin də böyük dəstəyi ilə çempionluğu bayram etdik. Bununla yanaşı, klubun inkişafı üçün xeyli işlər gördük. Demək olar ki, uşaq futbol məktəbi yenidən quruldu. Bir çox gənc, istedadlı futbolçumuz başqa komandalara verilmişmişdi. Çətinliklərə baxmayaraq, komandaları toparlaya bildik. Çempion heyətimizdən 3 nəfər Premyer Liqaya, 4 nəfər isə ölkə xaricinə yollandı. Cari mövsümə isə hazırlığı gec başladıq. Futbolçu tapmaqda da çətinlik çəkirdik. Bakıda komandaların çox olması və büdcələrinin bizdən üstün olması səbəbindən futbolçular o komandalara getməyi üstün tuturlar. Əksər komandalar hazırlığa mövsümün startına 2 ay qalmış başlasalar da, biz 10 gün qalmış məşqlərə başlaya bildik. Komandanı formalaşdırdıq. Bütün çətinliklərə baxmayaraq, yuxarı yerlər uğrunda mübarizəmizi davam etdiririk. 5-ci pillədə qərarlaşsaq da, 2-i yerlə aramızda cəmi 3 xal fərq var. Məqsədimiz mövsümü medalla bitirməkdir. Lisenziyalaşma prosesində bütün sənədlərimiz qaydasındadır. Yeganə problemimiz maliyyə ilə bağlıdır. Heç bir yerdən maddi dəstəyimiz yoxdur. Bu məsələni həll edə bilsək ümid edirəm Premyer Liqaya da yüksələ bilərik”.

Oqtay Abdullayev mətbuatda yayılan danışımış oyunlarla bağlı iddialara da aydınlıq gətirdi: “İlk öncə onu deyim ki, biz onlarla, yüzlərlə yox minlərlə azarkeş önündə oynayırıq. Azərbaycan futbolunun beşiyidir Tovuz. Burada 7-dən 70-ə hər kəs futbolu çox yaxşı bilir. Tovuzlu azarkeşləri aldatmaq mümkün deyil. Onlar da bu söz-söhbətin “Turan Tovuz”a heç bir aidiyyatının olmadığını çox yaxşı dərk edirlər. Onları da bu qarayaxma kampaniyası çox narahat edir. Kluba ləkə yaxmaqla Tovuz futbolunu gözdən salmaq istəyirlər. Mən yeni gələndə söz-söhbət yayıldı ki, Oqtay Abdullayev pul yeyir, klubu talan edir. Hamının məlumudur ki, bizi AFFA maliyyələşdirir. Kənardan heç bir dəstəyimiz yoxdur. Hər ay AFFA tərəfindən maliyyə yoxlamaları aparılır, xərclədiyimiz hər qəpiyin hesabatını veririk. Bir qəpik belə yeyinti olmadığı sübüt edildi. Maliyyə məsələsində heç bir bəhanə tapa bilməyənlər indi də oyun alqı-satqısı söhbətini ortaya atırlar. Hansı klub rəsmi şəkildə AFFA-dan oyunlarının araşdırılmasını tələb edib? AFFA-dan da bizimlə bağlı heç bir şübhələrinin olmadığını bildirdilər. Lakin mən AFFA-ya rəsmi şəkildə müraciət edərək bu söz-söhbətlərə son qoyulması üçün oyunlarımızın araşdırılmasını xahiş etmişəm. Oyun alıb satan bunu edər? Danışılmış oyunlar futbolun bəlasıdır. Ona gedən ləyaqətsiz adamdır. Biz hətta ötən mövsüm çempion olduqda da komandanın bütün oyunlarını diqqər mərkəzində saxlayırdıq. AFFA ilə birlikdə komandamızı tam araşdırırdır, hər hansı neqativ halın yaşanmaması üçün çalışırıq. Hansı ki, bunları klubumuza ləkə yaxmaq istəyənlər heç bilmirlər.

Məni narahat edən məsələ Tovuz futboluna, klubumuza ləkə yaxılmasıdır. AFFA-dan başqa heç bir maddi köməyimiz olmadığı halda, kasad büdcə ilə Tovuz futbolunun inkişafı üçün əziyyət çəkirik. Bu şaiyələri yayanları da yaxşı tanıyırıq. Belələri futbolun beşiyi olan Tovuza zərbə vurmaq istəyirlər. Belə qərəzli şaiyələr yaymaqla bizi klubdan uzaqlaşdırmaq istəyirlərsə, ortaya sübüt qoysunlar. Biz Azərbaycan futboluna, Tovuz futboluna xidmət edirik. İşimizlə bunu sübut ediririk.

Belə qarayaxma kampaniyası uşaq futboluna da valideynlərə də azarkeşlərə də pis təsir edir, hövsələdən çıxarır. On minlərlə azarkeşimiz də bu şaiyələrdən narahatdır. Fərziyyə ilə, şər atmaqla olmur. Əgər sübut varsa, qoysunlar ortaya”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2018
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31





Click to Visit