29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Con Toşak: "Burada xoşbəxtəm"

"Xəzər Lənkəran"ın baş məşqçisi Con Benjamin Toşak "Fənərbaxça" ilə yoldaşlıq oyunundan öncə Türkiyənin "Sabah" qəzetinə müsahibə verib. Həmin müsahibəni təqdim edirik:

- "Qalatasaray" və "Fənərbaxça"nın Avropa macərasını izlədinizmi?

- Bəli. Fatih Terim üçün keçən mövsüm uğurlu oldu. Bilirsiniz ki, Fatih  "Qalatasaray"da böyük bir yol qət etdi. "Real"a (Madrid) qarşı 1/4 finalda oynadı. Bu, "Qalatasaray" üçün çox yaxşı nəticə idi. "Fənərbaxça" da yaxşı uğur əldə etdi. Finalı son oyunda əldən verdilər. Əslində mən bu uğurları "Beşiktaş"da da görmək istəyirəm.

- Türkiyənin üç böyük klubundan təklif gəlsə, bura dönməyi düşünərsiniz?

- İndi "Xəzər Lənkəran"dayam və çətin bir vəzifəni öhdəmə götürmüşəm. Klubumla bir illik müqaviləm var və buradan ayrılmaq həqiqətən asan deyil. Azərbaycandakı insanlar çox yaxşıdır. Burada xoşbəxtəm. Ancaq gələcəkdə nələrin olacağını bilmərik. Hələlik burdayam.

- "Fənərbaxça" və "Beşiktaş"ın UEFA-dan aldığı cəzalar barədə nə deyə bilərsiz?

- Cəzalardan xəbərim var. Ümid edirəm ki, türk futbolu üçün ən yaxşı qərar çıxararlar. Mən Türkiyədə olduğum müddətdə danışılmış oyunlarla bağlı heç bir hala rast gəlməmişəm. Birinin birinə pul verdiyini də görmədim.

- Siz Türkiyədən ayrıldıqdan sonra, futbolumuzun inkişafını təqib edə bildinizmi?

- Əslində yaxşı təqib etdiyimi deyə bilmərəm. Çünki oradan 14 il əvvəl ayrılmışam. 1997-1999 mövsümlərində Türkiyədə oldum. Mən oradaykən Türk futbolu  çox yaxşı bir dönəmdə idi. "Qalatasaray" o zamanlar çox güclü idi. Fatihin rəhbərliyi ilə UEFA Kubokunu qazandılar. Türkiyə milli komandası da çox güclü idi və dünya üçüncüsü oldu. Hazırkı yığma o qədər güclü deyil. Türkiyədə, "Beşiktaş"da xoşbəxt idim. Hərçənd türk jurnalistlərlə bir iki problemim vardı. Amma "Real" (Madrid) kimi bir komandadan sonra "Beşiktaş"da, o stadionda olmaq çox gözəl idi. "Qalatasaray"a qarşı qazanmış olduğum kubok çox əhəmiyyətli idi və böyük bir an idi.

- Türkiyədən heç təklif aldınızmı?

- Bir neçə dəfə telefonuma zənglər gəldi, amma  çox ciddi təkliflər deyildi. Hansı komandalar olduğunu açıqlamaq istəmirəm. Çox insanla görüşdüyümü deyə bilmərəm. Sabiq prezident Sərdar Bilgili ilə bura gəlmədən əvvəl görüşdüm. Türkiyədən ayrılmağım çox vaxt keçib. Buna görə də əlaqələr kəsildi.

Əgər "Beşiktaş"da olmusunuzsa, "Fənərbaxça" və "Qalatasaray"a hörmət eşidərsiniz. Amma mənim üçün" Fənərbaxça" və "Qalatasaray haqqında düşünmək çox çətindir. Onlara  böyük hörmətim var. Böyük klublardır və möhtəşəm tərəfdarları var. Amma Türkiyədə mənim komandam "Beşiktaş"dır və həmişə də "Beşiktaş"lı olacağam.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31