Qriqorçuk: “Rəqib yaxşı məşq etməyimizə səbəb oldu”

Türkiyənin Antalya şəhərində keçirilən “Qəbələ” – “Sürix” oyunundan (0:1) sonra “qırmızı-qaralar”ın baş məşqçisi Roman Qriqorçuk matç haqda fikirlərini açıqlayıb.

Futbolxeber.az-ın klubun saytına istinadən verdiyi məlumata görə, ukraynalı mütəxəssis görüşün komandası üçün faydalı olduğunu bildirib:

“Bu oyun bizim üçün çox faydalı alındı. Toplanışın yorğunluğu bu qarşılaşmada futbolçularda hiss olunurdu. Rəqib də elə komanda idi ki, bizim yaxşı məşq etməyimizə səbəb oldu. Keçirdiyimiz görüş hazırlıq proqramımızda faydalı bir məşq idi. İki il öncə 4:0 hesabı ilə qalib gəlib, indi uduzmağımız isə heç nə demir. Həmin görüşü artıq unutmuşuq”.

Qriqorçuk təlim-məşq toplanışının başa çatan ilk mərhələsini də dəyərləndirib: “Qazaxıstan təmsilçisi “Atırau” ilə yoxlama oyununda ikinci heyətə güvənib, əsasən gənclərə şans verməyi planlaşdırırdıq. Matçın keçirilməməsi onlar barədə məlumat ala bilməməyimizlə nəticələndi. Lakin ümumilikdə isə toplanışın bu hissəsi yaxşı, hətta çox yaxşı keçdi. Hava şəraiti də bizə mane olmadı. Çox yaxşı çalışdıq”.