21 May 2018, Bazar ertəsi
“Bavariya” finalda məğlub oldu
“Qalatasaray” 21-ci dəfə çempion oldu
Etopaz-da bu gün 42 canlı oyun
“Qəbələ” Dion Malonla vidalaşdı

Ölkə futbolu

Bəxtiyar Soltanov: "Futbolu atmamaq üçün I diviziona getdim"

Birinci divizionda mübarizə aparan "Xəzər"in yeni transferi Bəxtiyar Soltanovun müsahibəsi

- Əvvəlcə "Xəzər"ə transferindən başlayaq. Keçid necə baş tutdu?

- Hər şey qısa müddətdə oldu. Təklif gəldi, fikirləşdim, dəyərləndirdim. Perspektiv görüdüyüm üçün "Xəzər"ə keçdim.

- "Xəzər"in hansı hədəfləri sənə daha çox maraqlı gəldi?

- Komandanın qarşısına ciddi hədəflər qoyulub. Orda hər cür şərait var. Oynamaq üçün əlverişli komandadır. Mənə dedilər ki, komanda Premyer Liqaya vəsiqə qazanmaq üçün mübarizə aparır. Sonradan nə olacaq bilmirəm, mənə belə deyildi. Türkiyəyə təlim-məşq toplanışına gedəcəyik. Yəqin ki, bütün nu hazırlıqlar Premyer Liqa üçündür. Ona görə bu komandaya gəldim.

- İstedadlı futbolçu hesab olunsan da, karyeranda eniş çox oldu. Bunu nə ilə əlaqələndirirsən?

- Bu barədə çox danışa bilməyəcəm. Çünki yenidən həmin şeylərə qayıtmaq istəmirəm. Müəyyən səhvlər oldu. Çalışacağam ki, onlar bir daha təkrarlanmasın. Bundan sonra əlimdən gələni edəcəm ki, o adı yenidən bərpa edim. Bundan hamı əmin olsun.

- Premyer Liqada iddialı klubların formasını geyinmisən. İndi isə birinci divizionda çıxış edirsən...

- Hər şey elə gətirdi ki, çempionat 8 komandalı oldu. Ona görə gedəsi bir yerim olmadı. Futbolu atmamaq üçün məcbuiyyətdən diviziona üz tutdum. Dedim, heç olmasa, orda formaya düşüm. "Araz-Naxçıvan"da formamı bərpa edib, "Qəbələ"yə keçdim. "Qəbələ"dən “Kəpəz"ə getdim. Birinci dəfə aşağı dəstədən Premyer Liqaya çıxa bildim. Ümid edirəm ki, “Xəzər”də də hər şey mənim üçün yaxşı olar. Yenidən Premyer Liqaya qayıtmaq üçün hər şeyi edəcəm.

- Vaxtı ilə milli komandanın da şərəfini qorumusan. Qurban Qurbanovun təyinatını necə qarşıladın?

- O-bu gəlib boş-boşuna vaxt aparmaqdansa, özümüzünkü daha yaxşıdır. Qurban Qurbanov özünü sübut etmiş məşqçidir. Nəticələri göz qabağındadır. Başqalarından gözlədiyimizi Qurban müəllim bacarar. Özü də bütün futbolçuları tanıyır. Yəqin ki, millidə də uğur qazanar.

- Yaşın elə də çox deyil. Yenidən milli komandaya qayıtmaq barədə düşünmüsənmi? Nə vaxtsa yığmaya çağırılacağına ümidin var?

- Ora qayıtmaq üçün, gərək, Premyer Liqada ən azı 6 ay stabil oynayasan ki, səni görsünlər. İndidən bu haqda danışmaq tezdir. İlk növbədə Premyer Liqaya qayıtmalıyam.


qol.az


Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2018
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31





Click to Visit