28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Milli komandaya... milli formaya dəyər verən futbolçular dəvət alacaq”

U-21 və U-20 Aəzrbaycan yığmalarının baş məşqçisi Rəşad Sadıqov affa.az-a açıqlama verib.

Futbolxeber.az saytının məlumatına görə, Sadıqov təyinatı ilə bağlı deyib:

“İlk növbədə, mənə inanıb etimad göstərdiyinə görə AFFA rəhbərliyinə və milli komandanın baş məşqçisi Qurban Qurbanova təşəkkür edirəm. Millidə çalışmaq həm qürurverici, həm də çox məsuliyyətlidir. Əvvəlcə mənə yalnız U-20 yığmasını çalışdırmaq təklif olunmuşdu. Ancaq sonra AFFA-nın baş katibi Elxan Məmmədov və Qurban müəllimlə görüşümüz oldu və U-21 yığmasının da baş məşqçisi olmağımı istədiklərini dedilər. Qurban müəllim milli komandalar arasında yeniyetmə və gənclərin itməməsi, daim beynəlxalq oyun təcrübəsinə malik olması üçün U-18 və U-20 yığmasının yaradılmasını istədi. Bildiyiniz kimi, U-20 yığmasına cəlb olunacaq 1998 və 1999-cu il təvəllüdlü futbolçular növbəti seçmə mərhələdən artıq U-21 yığmasına keçəcək. Həm də nəzərə almalıyıq ki, seçmə mərhələnin başa çatmasına az qalıb və indidən növbəti yaş qrupunu hazırlamaq lazımdır. Bu məqsədlə hər iki yığmanı mənə həvalə etdilər. Qarşıdakı oyunlarda həm də növbəti seçmə mərhələ üçün komandanı formalaşdırmağa çalışacam. 1998 və 1999-cu il təvəllüdlü futbolçulardan ən yaxşılarını təcrübə qazanmaları üçün U-21 yığmasına da cəlb edəcəyik. Futbolçuların seçimi ən çox diqqət yetirməli olduğumuz məqamdır. Milli komandaya işini sevən, qarşısına böyük məqsədlər qoyan və milli formaya dəyər verən futbolçular dəvət alacaq. U-20 yığmasındakı fəaliyyətim əsasən may ayından sonra başlayacaq. Yoxlama oyunları keçirməyi planlaşdırırıq. Növbəti seçmə mərhələyə qədər komandanı formalaşdırmağa çalışacam. Bundan sonra isə həm U-20, həm də U-21 yığmasının baş məşqçisi ayrı olacaq. “Qarabağ”ın U-19 komandasındakı işimə gəlincə, oradakı fəaliyyətimi başa vuracam”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31