29 Mart 2024, Cümə
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə

Ölkə futbolu

Di Françesko: “Qarabağ”da Mədətovdan da güclü futbolçular var”

UEFA Çempionlar Liqasının qrup mərhələsinin 2-ci turu çərçivəsində “Qarabağ”ın qonağı olacaq “Roma”nın baş məşqçisi Eusebio di Françesko oyunöncəsi mətbuat konfransı keçirib.

-  Hər bir rəqibə qarşı meydana xüsusi heyət buraxırsınız?

- Heyətimizdə olan bütün futbolçuların xidmətindən yararlanmağa çalışırıq. Ancaq futbolçuları meydana rəqibə uyğun buraxmırıq. Ən hazırlıqlı olan oyunçular start heyətinə çıxmaq şansı qazanır. “Qarabağ”ın qrupadək necə irəliləməsindən xəbərim var. Onlara böyük hörmətim var.

- Əl Şəravi zədədən tez qurtuldu. Onu əvəzləyə biləcək oyunçu varmı?

- Biz də sevinirik ki, Əl Şəravi sıraya tez döndü. Əvəzləyiciyə gəlincə, Perottinin adını çəkə bilərəm.

- İtaliya klublarının Çempionlar Liqasında uğur əldə etmək üçün hazır olmamaları fikri ilə razısınız?

- Xeyr. Ölkəmizin İspaniya, İngiltərə, Almaniya klublarına qarşı qələbələri olub.

- “Qarabağ”la oyunda güzəşt etmək fikriniz varmı? Axı, qarşıda komandanızı daha çətin oyunlar gözləyir.

- Bəli, qarşıda bizi çətin oyunlar gözləyir. Ancaq siyasətimiz belədi ki, bütün rəqiblərə eyni - qəddar gözlə baxırıq və hər bir oyundan maksimal nəticə əldə etmək istəyirik. Bakıya qələbə arxasınca gəlmişik və heç bir güzəştdən söhbət gedə bilməz.

- “Roma”nın icraçı direktoru Roberto Qandini bildirib ki, Mahir Mədətovu izləyəcəklər. Nə vaxtdan “Qarabağ”ın vingeri maraq dairənizdədi?

- Çox maraqlı oyunçudu. Uzaq məsafədən zərbələri ilə seçilir. Ancaq bizim əsas məqsədimiz Bakıdan qələbəylə dönməkdi. Həm də “Qarabağ”ın sıralarında daha bir neçə futbolçu var ki, Mədətovdan da güclüdü və onları da iş başında görmək bizə maraqlı olacaq.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31