I divizionda yenilik: çempionat 3 dövrədən ibarət olacaq

2017/18 mövsümündə futbol üzrə I divizion 3 dövrədən ibarət olacaq.

Futbolxeber.az saytının məlumatına görə, bu haqda Peşəkar Futbol Liqasının prezidenti Ramin Musayev açıqlama verib.

O qeyd edib ki, bu addım komandaların daha çox oyun keçirməsi üçün atılıb.

Reqlamentə əsasən, püşkün nəticəsinə görə I dövrədə ev sahibi kimi çıxış edəcək komanda III dövrədə də rəqibini öz meydanında qəbul edəcək. Bu isə o deməkdir ki, komandalardan 5-i mövsüm ərzində 13, 5-i isə 14 matçı evdə keçirəcək.

Limit isə belədir ki, komandaların start heyətində 2 legioner yer ala bilər. 3 oyunçu isə mütləq 21 yaşadək olmalıdır. 

Çempionat iştirakçıları eyni topla mübarizə aparacaqlar.