19 Mart 2024, Çərşənbə axşamı
“Ağ-qaralar”ın “Black Friday”i
"Qarabağ" və "Sabah" qalib gəldi
Orxan Əliyev: “Heyif o epizodlardan...”
Sxadadze: “Təzyiq böyükdür”

Ölkə futbolu

Roman Qriqorçuk: “Bu gün olan sərhəddi aşdı”

“Qəbələ” Topaz Premyer Liqasının VI turunda “Neftçi”ni 2:1 hesabı ilə məğlub edib. Futbolxeber.az saytının məlumatına görə, “Qırmızı-qaralar”ın baş məşqçisi Roman Qriqorçukun oyunsonrası mətbuat konfransında sualları cavanlandırıb:

- “Qəbələ” ilk hissədə ideal oynasa da, fasilədən sonra bunu görmədik. Bu, nə ilə əlaqədar idi: komandanız artıq qələbəni qazandığını düşünürdü, yoxsa rəqib təzyiqi artırdı?

- Oyunumuzu ideal adlandırdığınız üçün minntədaram. Təcrübə göstərir ki, belə üstünlükdən sonra müəyyən qədər futbolçuların beuynində psixoloji cəhətdən rahat olurlar. Amma qələbə qazanmaq istəyən komanda 2:0-dan sonra da dayanmamalıdır, rəqibi daha çox təzyiq altında saxlamalıdır. Çünki düşünməlisən ki, bu rəqib daha çətin vəziyyətdə idi.  

- Komandanız hücumda yaxşı təsir bağışlasa da, müdafiə haqda eyni sözləri demək olmur...

- İlk hissədə hücumda çox yaxşı oynasaq da, müdafiədə səhvlərimiz var idi. İrəli olduğumuz halda, arxa xətdə boşluqlar yaranmışdı. Amma ikinci yarıda da qol vurmaq üçün şanslarımız var idi.

- Ötən oyunda Asif Məmmədov meydana daxil olan kimi qol vurdu. Həmin epizodda siz başınızı tutmuşdunuz. Bunun səbəbi nə idi: Asifin qol vuracağına inanmırdınız?

- İnanmırdım ki, belə tez qol vuracaq. O, detalları nəzərə alıb qol vurdu. Hər şeyi yüksək səviyyədə yerinə yetirdi, topa ilk toxunuşdaca qol vurdu. 25 yaşı var, bu yaşda da öyərnə bilər. Hətta 40 yaşda da. Bu gün ona bənzər epizodlarımız olsa da, həmin şanslardan yararlana bilmədik.

- Oyunun sonunda Monroz və Ruslan Qurbanov arasında problem yaşandı. Bununla bağlı nə deyə bilərsiz?

- Həmin epizodu görməmişəm. Ona görə də dəqiq bir söz deyə bilmərəm. Təbii ki, bu məsələni araşdıracağam. Eşitdiklərimə görə nəticə çıxara bilmərəm. İstənilən kollektivdə belə narazılıq ola bilər. Bu gün olan sərhəddi aşdı və cəzalandırılmalı olanlar cəzalandırılacaqlar.

- Tərlan Əhmədov “Neftçi”nin baş məşqçisi təyin olunan günü Ruslan Qurbanov sabiq klubunun formasındakı şəkillərni sosial şəbəkədə paylaşdı. Bu, onun “Neftçi”yə qayıtmaq istəməsi kimi anlaşıldı. Ruslanda beləm bir istəyin olmasını hiss etmisinizmi? Ümumiyyətlə, futbolçularınızı sosial şəbəkədəki izləyirsinizmi?

- Komputerlə çox işləsəm də, sosial şəbəkələrə vaxt ayıra bilmirəm. Oyunçuları sosial şəbəkədə izləməyim qeyri-mümkündü. Bu barədə mənə hesabat təqdim edən kimsə də yoxdu. Mən daim çalışmışam ki, işlədiyim futbolçu rəhbərliyim altında inkişaf etsin və komandaya fayda versin. Hansısa oyunçunun istəksiz olduğunu görsəm, dərhal bu barədə danışığımız olur və qarşılıqlı şəkildə anlaşırıq.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31