19 Avqust 2019, Bazar ertəsi
"Səbail" "Zirə"yə qalib gəldi
Şeydayev derbidə 90 dəqiqə oynadı
“Qəbələ” “Sumqayıt”a məğlub oldu
Rüfət Dadaşov milliyə dəvət aldı

Ölkə futbolu

Maksim Medvedev: “Oyundan qabaq heç-heçəyə də razı olardıq” (MÜSAHİBƏ)

“Qarabağ”ın müdafiəçisi Maksim Medvedev Çempionlar Liqasının pley-off mərhələsinin ilk görüşündə “Kopenhagen”i 1:0 hesabı ilə məğlub etdikləri oyundan sonra jurnalistlərin suallarını cavablandırıb. Futbolxeber.az saytının əməkdaşının da iştirak etdiyi müsahibəni təqdim edirik:

- Oyun çox ağır oldu. Rəqibin heyətində yüksəksəviyyəli futbolçular cəmləşib. Əlimizdən gələni etdik ki, vuruşaq, sərfəli nəticə qazanaq. Son 3 gündə rəqibin oyununu hərtərəfli analiz etmişdik. Bu, bizim üçün tarixi şansdı, əldən vermək istəmirik. Bu gün tək biz yox, bütün respublika oynayırdı. Azarkeşlərimiz möhtəşəm idilər. Onlara çox təşəkkür edirəm.

- İkinci hissədə azarkeşlər ikinci qolu gözləsə də, sanki “Qarabağ” 1:0 hesabı ilə razılaşmışdı.

- Oyundan qabaq heç-heçəyə də razı olardıq. Çox istəyirdik ki, qol buraxmayaq, nəinki vuraq. Fasilədən sonra fərqlənmək üçün şansımız var idi. Amam rəqibin qapıçısı mükəmməl idi. 3 epizodda fərqlənməyimizə mane oldu.

- Oyunun gedişində rəqib futbolçular sanki sizi təxribata çəkirdilər. Həqiqətən belə idi?

- “Kopenhagen” təcrübəli komandadır. Bilirlər ki, emosionalıq, təxribata gedə bilərdik.

- Yəni, əvvəldən belə olacağını bilirdiz?

- Bilirdik. Skandinaviyalılar hər zaman bu varianta əl atırlar. Oyundan qabaq baş məşqçimiz tapşırmışdı. Çalışırdıq vərəqə almayaq.

- Səfərdəki oyun tam fərqli atmosferdə olacaq. Lazımi nəticəni qorumaq nə dərəcədə çətin olacaq?

- İnşallah, gücümüzxlə, əziyyətimizlə səfərə vuruşmağa gedəcəyik. Inanıram ki, Avropada yaşayan həmyerlilərimiz orda bizi tək qoymayacaqlar. Danimarkadan sərfəli nəticəylə qayıdacağımıza inanıram. Avropada yaşayan tərəfdarlarımız bizlə indidən əlaqə saxlayırlar. Hər bir futbolçunun arzusu qrup mərhələsində oynamaqdı.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2019
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31