“Qarabağ”ın rəqibi müəyyənləşdi

UEFA-nın Nyon şəhərində yerləşən mənzil-qərargahında Çempionlar liqasının pley-off mərhələsinin püşkü atılıb.

Futbolxeber.az saytının məlumatına görə, püşkatma nəticəsində Azərbaycan təmsilçisi “Qarabağ”ın rəqibi bəlli olub. Ağdamlılar bu mərhələdə Danimarka “Kopenhagen”i ilə qarşılaşacaqlar.

Xatırladaq ki, bu, komandalar arasında 2-ci duel olacaq. 1998/99 mövsümündə Kuboklar Kubokunda keçirilən qarşılaşmalar danimarkalıların şəksiz üstünlüyü ilə keçmişdi. “Qarabağ” hər iki matçda böyük hesabla uduzub – 0:6, 0:4.

İlk oyunlar 15/16 avqust, təkrar görüşlər isə 22/23 avqustda baş tutacaq.

Digər cütlüklər:

Çempionlar yolu

APOEL (Kipr) - “Slaviya” (Çexiya)

“Olimpiakos” (Yunanıstan) – “Riyeka” (Xorvatiya)

“Seltik” (Şotlandiya) - “Astana” (Qazaxıstan)

“Hapoel” (Beyer-Şeva, İsrail) - “Maribor” (Slovaniya)

Liqa yolu

“Başakşəhər” (Türkiyə) - “Sevilya” (İspaniya)

“Yanq Boyz” (İsveçrə) - MOİK (Rusiya)

“Napoli” (İtaliya) - “Nitsa” (Fransa)

“Hoffenhaym” (Almaniya) - “Liverpul” (İngiltərə)

“Sportinq” (Portuqaliya) - “Styaua” (Rumıniya)