25 Fevral 2020, Çərşənbə axşamı
Çempionlar Liqasında daha 2 oyun
Giqqz Bakı Olimpiya Stadionunda
Ayxan Abbasov: “... üzülürük”
Premyer Liqa: 2 oyunda cəmi 1 qol

Ölkə futbolu

"Simurq" - "Olimpiakos" matçının başlama saatı müəyyənləşdi

Təlim-məşq toplanışının üçüncü mərhələsinə start verən "Simurq", dünən hazırlığı iki məşqlə davam etdirib. Futbolxeber.az-ın məlumatına görə, Georgi Çixradzenin yetirmələri səhər hazırlığına fitness zalda başlayıb. İki qrupa bölünərək fiziki hazırlıq üzrə məşqçi Aleksandr Karakliçin rəhbərliyi altında müxtəlif tapşırıqları yerinə yetirən futbolçular, daha sonra məskunlaşdığı "Kayzer" otelinin meydançasında məşqi davam etdirib. Burada gürcü mütəxəssis yetirmələrini fiziki testdən keçirib. Sonda isə "kvadrat" və qapıya zərbələrlə səhər məşqi tamamlanıb.

Yeni mövsümə hazırlıq məqsədi ilə Avstriyada təlim məşqləri davam etdirən "Simurq", axşam saatlarında isə növbəti hazırlıq prosesinə çıxıb. Baş məşqçi Georgi Çixradzenin rəhbərliyi altında komandanın məşqi saat yarım davam etdi. Səhər hazırlığından fərqli olaraq bu dəfə Zaqatala təmsilçisi əsasən taktiki təmrinlərdən ibarət tapşırıqlar üzərində işlədi. Toplu çalışmalar isinmə hərəkətləri ilə başladı. Daha sonra komanda topu qısa məsafələrə ötürmə və iki qrup şəklində taktiki təmrinləri yerinə yetirdi. Məşq prosesi taktiki gedişlər və qapıya zərbələrlə davam etdi. Sonda isə ikitərəfli oyunla bu günlük hazırlıq tamamlandı.

Məşqçilər korpusunun hazırlıq çərçivəsində tərtib etdiyi intensiv məşq qrafiki bu gün də davam edəcək. İyulun 16-da isə "Simurq" Avstriya toplanışı çərçivəsində ilk yoldaşlıq görüşünə çıxacaq. Əvvəlcədən xəbər verdiyimiz kimi Zaqatala təmsilçisinin rəqibi Yunanıstanın "Olimpiakos" klubu olacaq. Qarşılaşma Bakı vaxtı ilə saat 20:30-da start götürəcək.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Fevral 2020
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29