Jezniçak: "Bunu heç istəməzdim"

“Hesab 0:0 oldu. Ancaq önəmli odur  ki, qapımızda qol görmədik”.

Futbolxeber.az saytının məlumatına görə, bu sözləri  “Qarabağ”ın yeni transferi Yakub Jezniçak Çempionlar Liqasının üçüncü təsnifat mərhələsində "Şerif"lə ilk oyun (0:0) haqda fikirlərini özünün "Facebook" hesabından bildirərkən yazıb.

Sözügedən görüşdə zədələnərək əvəzlənən polşalı müdafiəçi hazırkı durumu haqda da məlumat verib: “Təəssüf ki, qapıçı ilə toqquşmadan sonra zədələndim və 24-cü dəqiqədə meydanı tərk etməli oldum. Bunu heç istəməzdim. Ancaq futbolda belə hallar baş verir. Ümid edirəm ki, zədəm ciddi deyil. İndi bütün düşüncəmiz gələn həftə növbəti mərhələyə adlamaqdır. Özümüzə inanırıq”.