“Qarabağ”ın heyətində ciddi itki

Hazırda Çempionlar Liqasının üçüncü təsnifat mərhələsinin ilk oyunu çərçivəsində öz meydanında “Şerif”i qəbul edən “Qarabağ” ciddi itki ilə üzləşib.

Futbolxeber.az saytının məlumatına görə, Ağdam klubunun aparıcı müdafiəçisi Yakub Jezniçak zədələnib.

Rəqiblə mübarizə zamanı xəsarət alan polşalı müdafiəçi matçın 9-cu dəqiqəsində meydanı tərk etsə də, həkimlərin müdaxiləsindən sonra yenidən geri dönüb. Lakin ağrıları davam edən Kuba qarşılaşmanın 24-cü dəqiqəsində Elvin Yunuszadə ilə əvəzlənməli olub.