11 Dekabr 2019, Çərşənbə
“Neftçi” yeni sponsorla anlaşdı
Rüfət Dadaşovdan növbəti qol
Rusiya ilə bağlı şok qadağa
“Onların cəzasını verəcəyik"

Ölkə futbolu

"Vacib qələbədə baş məşqçinin zəkası və komandanın birliyi mühüm rol oynadı"

“İnter” futbol klubunun direktoru Natiq Məmmədov klubun rəsmi saytına müsahibə verib. Həmin müsahibəni təqdim edirik:

- Öncə “İnter” komandasının UEFA Avropa Liqasının növbəti mərhələsinə vəsiqə qazanması münasibətilə Sizi təbrik edirik. Ümumiyyətlə, komandanın keçirdiyi hər iki oyunun nəticələrini necə qiymətləndirirsiniz?

- Təbrikə görə sağ olun. Ümumilikdə, hər iki qarşılaşmanın nəticələrini müsbət qiymətləndirirəm. Təbii ki, “İnter”in növbəti mərhələyə çıxması bizi sevindirir. Komanda uğurlu nəticə əldə etməyə nail oldu. Doğrudur, Finlandiya komandasıyla keçirilən ilk matçda qeydə alınmış nəticə planlarımıza daxil deyildi. Çünki ev oyununda rəqiblə heç-heçəyə imza atmaq cavab oyunu ərəfəsində müəyyən psixoloji gərginlik yaratmaqla yanaşı, qonaq komandaya əlavə üstünlük də verir. Amma biz çox şadıq ki, Kaxaber Tsxadadzenin yetirmələri Finlandiyadan Azərbaycan azarkeşlərini razı salacaq nəticəylə qayıtmağa müvəffəq oldular. Xüsusilə qeyd etmək istəyirəm ki, baş məşqçinin zəkası, komandanın birliyi vacib qələbənin əldə olunmasında mühüm rol oynadı. Finlandiyadan qələbə qazanmağımız “İnter” haqqında deyilən əsassız və məntiqsiz söz-söhbətlərə son qoydu. Mən klubumuzun fəxri prezidenti Cahangir Hacıyevə, prezident Georgi Nikolova göstərdikləri hərtərəfli dəstəyə görə minnətdarlığımı bildirirəm.

Bundan başqa, komanda direktorunun müavinləri Fərəc Əliyevin və Sərxan Həsənovun da əməyini qeyd edərdim. Təbii ki, səfər oyunu barədə Azərbaycan azarkeşlərini foto-video materiallarla təmin edən klubumuzun Mətbuat Xidmətinin əməkdaşlarının da xidmətini vurğulamaq istəyirəm. Bizi dəstəkləyən bütün insanlara təşəkkür edirəm. Xüsusilə də oyunöncəsi hazırlaşmaq üçün İsmət Qayıbov adına stadionun istifadəmizə verdiyinə görə “Neftçi” klubunun prezidenti Sadıq Sadıqova və vitse-prezidenti Tahir Süleymanova minnətdarlığımı bildirirəm. Onu da xüsusi qeyd etmək istəyirəm ki, cavab qarşılaşmasında qələbədən sonra “Neftçi” komandasının baş məşqçisi Böyükağa Hacıyev və məşqçisi Tərlan Əhmədov, klubun digər nümayəndələri zəng edərək təbrik etdilər. Buna görə, hamısına təşəkkürümü bildirmək istəyirəm.

- Komandamız ikinci mərhələdə daha ciddi rəqiblə - Norveçin “Tromse” komandasıyla qarşılaşacaq. Bilmək istərdik, rəqibi necə qiymətləndirirsin?

- Müasir futbolda zəif rəqib anlayışı yoxdur. Finlandiyanın “Mariehamn” komandasıyla keçirilən hər iki oyun dediklərimizə sübut kimi göstərmək olar. Norveç təmsilçisi barədə ümumi məlumatlarım var. 3 dəfə ölkə çempionu, 2 dəfə kubok sahibi olduğunu bilirəm. Bundan başqa, “Tromse”nin doğma divarlar arasında “Sloveniyanın “Sele” komandasına məğlub olmasına baxmayaraq səfərdə rəqibini yenməsi norveçlilərin kifayət qədər ciddi rəqib olmasından xəbər verir. Yəni “Tromse”nin iradəli və məqsədinə çatmaq üçün var gücüylə mübarizəyə atılan bir komanda olduğunu düşünürəm. Bir sözlə, “İnter”in rəqibi gücünə hörmət etməyə vadar edən komandadır və bu amil bizi Norveç təmsilçisilə oyunlara maksimum dərəcədə yanaşmağa sövq edir.

- Bildiyiniz kimi, “İnter” ikinci mərhələyə ev oyunundan başlamalıydı. Lakin UEFA yenidən dəyişikliyə getdi və komandamız növbəti mərhələyə vəsiqə uğrunda mübarizəyə Norveçdə başlamalı olacaq.

- UEFA-nın məlum qərarıyla tanışam. Oyunun keçiriləcəyi yerin dəyişdirilməsinə səbəb olan amili də bilirəm. Ali futbol qurumunun “İnter”-“Tromse” matçıyla bağlı verdiyi qərara müxtəlif prizmalardan yanaşmaq olar. Birincisi, ilk oyunun səfərdə keçirilməsi və səfər oyununda məqsədəuyğun nəticə əldə edilməsi cavab matçı öncəsində komandaya bəzi üstünlüklər verir. Ancaq “İnter”in səfərdən yenicə qayıtdığını nəzərə alsaq, UEFA-nın qərarının komandaya fiziki və psixoloji mənalarda əlavə problemlər gətirəcəyini qeyd etmək olar. Çünki cəmi 4 gündən sonra komandanın yenidən dünyanın ən şimal şəhərinə səfərə yollanması asan məsələ deyil. Təbii ki, “İnter”də peşəkar futbolçular oynayırlar, bununla belə, bu faktorları da gözardı etmək də doğru olmazdı.

- Komandanın ikinci mərhələyə hazırlıq planı barədə məlumat verməyinizi xahiş edirik.

- Dünən komanda bərpa məşqi keçirdi. Məşq prosesində əsasən “Mariehamn”la oyunda meydana çıxmayan futbolçular iştirak etdilər. Bu gün də “İnter” səhər məşqə çıxdı. Sabah komanda “Şəfa” stadionunda iki  dəfə məşq keçirməyi planlaşdırır.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Dekabr 2019
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31