27 Yanvar 2020, Bazar ertəsi
“Qəbələ”dən məhsuldar heç-heçə
“Qarabağ”dan 1 gündə 2 məğlubiyyət
Millimizdən ardıcıl ikinci qələbə
“Zirə”də moldovalı yarımmüdafiəçi

Ölkə futbolu

Zaur Svanadze: “İlk oyundakı nəticəyə aldanmaq olmaz”

“İlk olaraq Azərbaycan xalqına məlum olayla bağlı başsağlığı verirəm”. Futbolxeber.az-ın məlumatına görə, bunu “İnter”in baş məşqçisi Zaur Svanadze deyib.
 
Avropa Liqasının I təsnifat mərhələsində “Mladost”u səfərdə 3:0 hesabı ilə məğlub edən paytaxt təmsilçisi sabah Serbiya klubunu “Dalğa Arena”da qəbul edəcək. Qarşılaşma öncəsi təşkil edilən mətbuat konfransında gürcüstanlı mütəxəssis cavab görüşünə hazır olduqlarını bildirib: “Adi qaydada hazırlaşırıq. Yaxşı şansımız var və bundan yararlanmaq istəyirik. Üstünlük bizim tərəfimizdədi. Ancaq nəzərə alaq ki, Serbiya komandası ilə qarşılaşacağıq. İlk görüşdə 3:0 hesabı ilə qalib gəlsək də, nəticəyə aldanmaq olmaz. Onlar da yaxşı futbol oynamağı bacarır. Ancaq düşünürəm ki, üstünlüyümüzdən istifadə edəcəyik”.
 
- 3:0 hesablı qələbədən sonra futbolçuları oyuna kökləmək çətin deyil?
- Düzgün qeyd etdiniz. Futbolçular rəqibin yaxşı komanda olduğunu və arxayınlaşmağa yer olmadığını dərk edirlər. Heç vaxt rahatlaşmaq olmaz. Cavab görüşündən də çox şey asılıdı.
 
- Klubla nə zaman yeni müqavilə imzalayacaqsınız?
- Müqavilə hazırdı, sadəcə, onu imzalamaq qalıb. Hətta futbolçulardan bəziləri anlaşmalarını yeniləyib.
 
- İlk matçda Skarlatake cərimə zərbəsindən 2 qol vurmuşdu. Buna xüsusi olaraq hazırlamışdınız?
- O, hər məşqdən sonra qalıb standart vəziyyətlər üzərində çalışır. Bunun nəticəsi göz önündədi. İnsan üzərində çalışırsa, təbii ki, müsbət nəticələr olur. Amma serblər də standart vəziyyətlər zamanı yaxşı oynayırlar. Ucaboy və güclüdülər. Çox təhlükəlidilər. Bu üzdən də ehtiyatlı olmaq lazımdı.
 
- Belə bir söhbət gəzir ki, komanda “İnter Arena”nı tərk edəcək. Bu, nə dərəcədə doğrudu?
- Bu barədə heç nə deyə bilmərəm. Bütün diqqətimizi oyuna kökləmişik. Bu məsələlər bizdən asılı deyil.
 
- İlk oyundakı taktika qoruncaq?
- Hələ qərar qəbul etməmişik. Yəqin ki, ilk görüşdəki kimi olacaq. (Apasport.az)
 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31