Ayxan Abbasov: “Tələsməyə ehtiyac yoxdu. 2:0 heç nə demək deyil"

“Zirə”nin baş məşqçisi Ayxan Abbasov Avroliqanın I təsnifat mərhələsinin ilk oyununda Lüksemburq təmsilçisi “Differdanj” üzərində qazandıqları 2:0 hesablı qələbəni şərh edib.

Futbolxeber.az saytının məlumatına görə, oyunsonrası mətbuat konfransında gənc məşqçi ilk öncə matçla bağlı fikirlərini açıqlayıb:

“Oyunun belə çətin alınacağını gözləyirdik. Çünki hələ komandam 10 faiz deyil. Bəzi futbolçular bizə gec qoşulmuşdular. Oynamaq üçün 60 faiz hazır idilər. Rəqibin müdafiəsinin yarmaq çətin idi. İlk hissədə qol vurduqdan sonra səbirli oynadıq. İkinci oyun daha çətin olacaq. Çünki rəqib evdə daha yaxşı oynayır. Əzmkarlığa görə bütün futbolçularıma, dəstəyə görə azarkeşlərə minnətdaram”.  

- Sanki komandanızda müdafiədə həyəcan hiss olunurdu. Bu, nədən irəli gəlir?

- İlk dəqiqələrdə 1-2 epizodda müdsafiəçilərimiz səhvə yol verdilər. Bu da həyəcandan irəli gəlirdi. Komandanı meydana rahat çıxarmışdıq. İstəmirdik ki, arxayın olsunlar. Həyəcanı ilk yarıya aid etmək olar. İkinci hissədə daha yaxşı oynadıq. 3-4 qol epizodumuz oldu. Ümumilikdə, ilk rəsmi oyunumuz idi bu mövsüm. Müdafiədə 2 yeni futbolçu çıxış edirdi.  

- Milan Duriç, Anar Nəzirov və Təmkin Xəlilzadənin oyunundan razı qaldız?

- Birinci hissədə Orxan Əliyev sanki oyuna girə bilməmişdi. Təmkindən bu oyun çox şey gözləyirdik. Çünki ötən mövsümü yaxşı keçirmişdi. Amma bu gün ümidləri tam doğrultmadı. Anarın isə yaxşı çıxış etdiyini düşünürəm.

- Yeni transferlərdən razı qaldız?

- Onların potensialına bələdik. Belford qol vurdu. Digərləri də məncə pis çıxış etmədilər. Ümumi olaraq normal dəyərləndirərdim. Bu futbolçuları seçərkən çox götür-qoy etmişdik.  

- Rəşad Sadiqovun start heyətindən kənarda qalmasına səbəb nə idi?

Rəşad son 2 yoxlama oyunumuzda iştirak etməmişdi zədə səbəbindən. Üstəlik, bilirdik ki bu gün ikinci hissədə yaradıcı oyun quran futbolçuya ehtiyacımız olacaq. Ona görə də Rəşadı fasilədən sonra meydana buraxmağı əvvəldən planlaşdırmışdıq.

- Dünən qeyd etdiniz ki, hələ “Astra” barədə düşünmürsüz. Bugünkü qələbə fikrinizi nə dərəcədə dəyişdi?

- Hələ təsləməyə ehtiyac yoxdu. 2:0 heç nə demək deyil. Səfərdə bizi çox çətin oyun gözləyir.