UEFA reytinqində irəlilədik

Ötən gün baş tutan Avropa Liqasının I təsnifat mərhələsinin cavab oyunlarından sonra Azərbaycan UEFA reytinqində bir pillə irəliləyib. Futbolxeber.az-ın məlumatına görə, hər üç klubumuzun dünən qələbə qazanması ölkəmizin aktivinə yeni xallar yazdırıb. "Qarabağ"ın "Metallurq" (1:0), "Xəzər Lənkəran"ın "Slima" (1:0) və "İnter"in "Mariehamn" (2:0) üzərindəki qələbələri ölkəmizin reytinqinə daha 0,750 xal əlavə edib.

Bu nəticə ilə Azərbaycan Sloveniyanı qabaqlayaraq UEFA reytinqində 53 ölkə arasında 30-cu pilləyə yüksəlib. Azərbaycan UEFA-da bu mövsüm 9,125 reytinq xalı qazanıb ki, bunun da 0,500 xalı "Qarabağ"ın, 0,375 xalı "İnter"in, 0,375 xal isə "Xəzər Lənkəran"ın payına düşür.