Böyükağa Hacıyevin şablon bəhanələri

"Neftçi” PFK-nın baş məşqçisi Böyükağa Hacıyev “Energi Kotbus”la yoxlama matçını (0:2) şərh edib. Futbolxeber.az-ın məlumatına görə, klubun rəsmi saytına verdiyi açıqlamada Hacıyev matçın maraqlı alındığını bildirib: " Hazırlıq çərçivəsində üçüncü yoxlama matçını keçirdik. Almaniya klubu ilə oyunumuz maraqlı alındı. Fiziki yükləmələrin fonunda futbolçuların davamlılıq göstəricilərini yoxladıq. Adətən, belə məşqlərdən sonra futbolçularda müəyyən yorğunluq nəzərə çarpır ki, bu da normal haldır. Fasilədən sonra isə heyətin böyük əksəriyyətini dəyişdik. Təcrübəli rəqiblə qarşılaşmada Elşən Abdullayev, Nicat Qurbanov, Slavik Alxasov, Məqsəd İsayev kimi gənclərə şans verdik. Düşünürəm ki, onlar yalnız təcrübə baxımından rəqibdən geri qalırdı Hiss olunur ki, futbolçu komandaya uyğunlaşma prosesini keçir. İnanıram ki, “Skenderbeu” ilə keçirəcəyimiz matça kimi komanda tam hazır olacaq”.