Filip Ozobiç: “Qarabağ”ı məğlub etməliyik” (MÜSAHİBƏ)

“Qəbələ”nin yarımmüdafiəçisi Filip Ozobiçin Futbolxeber.az saytına müsahibəsi

- “Zirə” ilə oyunda 2 vacib xal itirdiniz. 2:2 hesabı ilə yekunlaşan görüş barədə nə deyə bilərsən?

- Təəssüf ki son dəqiqələrdə qol buraxdıq. Həqiqətən də vacib 2 xal itirdik. Qələbəyə çox yaxın idik. İndi “Qarabağ”ı məğlub etməliyik.

- Son saniyələrdə qələbə hesabını qortuya bilməməyinizi nə ilə əlaqələndirmək olar: bəxtsizlik, yoxsa...?

- Bilmirəm. 2 qol buraxdıq, belə olmaz. Bəxtsizlik deyərdim.

- Hakimin matçın sonuna əlavə etdiyi dəqiqələrdə buraxılan qolu “Qəbələ” üçün ikiqat zərbə saymaq olar?

- Yox, futbolda belə hallar olur. Artıq növbəti oyuna hazırlaşmalıyıq.

- Oyunun gedişində azlıqda qalan “Qəbələ” olsa da, qazanılan 1 xala görə “Zirə” həddindən artıq çox sevinirdi. Bu, nədən irəli gələ bilər?

- Bilmirəm. Yəqin ki, uduzmadıqları üçün sevinirdilər. Görünür, bu gün bizdən xal almağı çox istəyirdilər

- “Qəbələ”nin oyununda yenə hakimlik gündəmə gəldi. Rasim Ramaldanova verilən qırmızı vərəqəni haqlı saymaq olar?

- Hakimlər barədə nəsə demək istəmirəm

- Növbəti turda çempionluq uğrunda əsas rəqibiniz olan “Qarabağ”la qarşılaşacaqsınız...

- Həmin matçda qalib gəlmək istəyirik. Amma bu oyunun çempionluğun taleyini həll edəcəyini düşünmürəm. Hələ qarşıda çox oyunlar olacaq.

- Amma “Qarabağ”a uduzsanız, sonradan rəqibə çatmaq çətin olacaq...

- Biz də qalib gəlmək istəyirik. Qələbə qazanmaq üçün kifayət qədər şansımız var.