"Metallurq"un baş məşqçisi: "Qarabağ"ı keçəcəyimizə inanıram"

Sabah Avroliqanın ilk təsnifat mərhəlisinin birinci oyunu çərçivəsində öz meydanında "Qarabağ"ı qəbul edəcək Makedoniya "Metallurq"unun baş məşqçisi Srcjan Zaharievski qarşılaşma ilə bağlı fikirlərini açıqlayıb. Futbolxeber.az-ın məlumatına görə, 39 yaşlı məşqçi "Qarabağ"ı favorit qismində görmür: "Qarabağ" yalnız kağız üzərində favoritdir. Ümumilikdə qüvvələr bərabərdir. Düşünürəm ki, bizim yaxşı potensialımız var. Sabahkı oyuna hazırlığımızı milli stadionda davam etdiririk. "Qarabağ"a qarşı böyük həvəslə oynayacağıq və bu səddi keçəcəyimizə ümid edirəm".

Qeyd edək ki, "Metallurq" - "Qarabağ" oyunu Bakı vaxtı ilə saat 20:45-də başlayacaq.