28 May 2020, Cümə axşamı
“Qarabağ"da bosniyalı yarımmüdafiəçi?
“Qəbələ”dən ardıcıl 5-ci çempionluq
“Qarabağ” rekordçular arasında
Dmitri Nazarovdan növbəti qol

Ölkə futbolu

“Bəzən uşaqlarla zarafat edib, Lökbatanı Antalyaya bənzədirdik”

“Qış fasiləsində heyətdə müəyyən dəyişikliklər etdik. Limitin dəyişməsi ilə bağlı 7 futbolçunu komandadan göndərdik. Daha 1 oyunçu isə öz istəyi ilə heyətdən ayrıldı”. Futbolxeber.az saytına açıqlamasında bu sözləri I divizionda mübarizə aparan “Qaradağ-Lökbatan”ın baş məşqçisi Azər Bağırov deyib.

Gənc məşqçi II dövrənin hazırlıqlarına hələ ötən ildən start verdiklərini bildirib: “Məşqlərə dekabrın 24-də start verdik. 1 həftə ərzində ilkin hazırlıq prosesinə başladıq, eləcə də seleksiya işləri apardıq. Hazırlığın ikinci mərhələsi isə yanvarın 6-da start götürdü. Komanda Lökbatanda, öz bazasında təlim-məşq toplanışına başladı. İkinci toplanış zamanı fiziki durum və xətlər arası bağlılıq prinsipində çalışdıq. Bu etapı yanvarın 16-da bitirdik”.

Azər Bağırov hazırlığın üçüncü mərhələsində komandanın yoxlama oyunları keçirdiyini qeyd edib: “Hazırlığın üçüncü mərhələsini isə sırf yoxlama görüşləri üzərində qurduq. “Kəpəz”ə və “Şahdağ”a 1:2 hesabı ilə uduzsaq da, “İnter”in əvəzediciləri üzərində 1:0 hesablı qələbə qazandıq”.  

“Qaradağ-Lökbatan”ın çalışdırıcısı komandasının hazırlığından razılığını ifadə edib: “Hazırlıq prosesi istədiyimiz kimi keçdi. Əsas narahatçılığımız hava şəraitindən idi. Elə alındı ki, toplanış zamanı hava günəşli olurdu. Bəzən uşaqlarla zarafat edib, Lökbatanı Antalyaya bənzədirdik. Cünki bazada otelden tutmuş fitnese qədər hər bir şəraitimiz var”.

Sonda Bağırov II dövrədəki hədəflərindən də söz açıb: “İlk dövrəni altıncı pillədə başa vurduq. Lakin turnir cədvəlində bizdən yuxarıda yerləşən komandaları şəxsi oyunlarda məğlub etmişik. Təəssüf ki, digər komandalarla matçlarda demək olar ki, bəxtsizlik və bir az da diqqətsizlikdən uduzmuşuq. Çalışacağıq ki, ikinci dövrədə bu səhvləri təkrarlamayaq və daim irəli gedək”.

“Layihə AFFA yanında Media Komitəsi tərəfindən maliyyələşdirilir”




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2020
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31