28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Azərbaycan millisi Sankt-Peterburqa rəqib ola biləcək?

FİFA-nın ilk vitse-prezidenti Valentin Qranatkinin xatirəsinə həsr olunan XXIX beynəlxalq turnir davam edir. 
 
Futbolxeber.az-ın məlumatına görə, Rusiyanın Sankt-Peterburq şəhərində keçirilən yarışda ikinci tur oyunlarına yekun vurulub. İlk turda Litvaya 1:2 hesabı ilə uduzan 19 yaşadək futbolçulardan ibarət Azərbaycan millisi də Qazaxıstan yığması ilə 2:2 bərabərə qalıb. 
 
2 turdan sonra 1 xalı olan seçməmiz qrup sonuncusudur. 4 xala malik Litva C qrupunun lideridir. Qazaxıstan və Slovakiya millilərinin hesabında isə 2 xal var. 
 
Təbriz Həsənovun yetirmələri ilk 2 tur ərzində qələbə qazana bilməsə də, 1/4 finala yüksəlmək şansını itirməyib. Yüksək yerlər uğrunda mübarizəni davam etdirmək üçün millimiz qrup mərhələsinin son turunda Slovakiyanı məğlub etməlidir. 
 
Bundan başqa, Litva yığması da Qazaxıstanla görüşdə uduzmamalıdır. Bu halda millimiz 4 xalla qrupu ikinci yerdə tamamlayacaq. Qazaxıstan Litvanı məğlub etsə, millimizin slovaklarla oyunun nəticəsindən asılı olmayaraq, 1/4 finaldan kənarda qalacaq. 
 
Yığmamız Slovakiya ilə yanvarın 13-də üz-üzə gələcək. Qarşılaşma Bakı vaxtı ilə 15:15-də start götürəcək. 13:00-da isə Litva Qazaxıstanı sınağa çəkəcək. 
 
Komandamız 1/4 finala adlasa, yarımfinal yolunda Sankt-Peterburq komandası ilə üz-üzə gələcək. Meydan sahibləri 2 turdan sonra D qrupunda birinciliyi təmin edib. 
 
Seçməmiz 1/4 finala yüksələ bilməsə, bu halda 9-16-cı yerlər uğrunda mübarizə aparacaq. Millimiz qrupda üçüncü yeri tutsa, 9-cu yer uğrunda ilk matçda D qrupunun dördüncüsü ilə görüşəcək. U-19 qrup sonuncusu olsa, növbəti mərhələdəki ilk matçında D qrupunun üçüncüsünü sınağa çəkəcək.
 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31