Miçel: “Sabah çətin oyun olacaq”

“Bilirik ki, sabah hər 2 komanda üçün çətin oyun olacağını bilirik. Qalib gələrək növbəti mərhələyə adlamaq istəyirik. Bakıdakı oyunda istədiyimiz nəticəni əldə edə bilməmişdik və məyus olmuşduq. Ümid edirik ki, sabahkı oyunda istəyimizə çatacağıq”.

Futbolxeber.az saytının məlumatına görə, bu sözləri Avropa Liqasının qrup mərhələsinin 5-ci turunda “Slovan”ın qonağı olacaq “Qarabağ”ın futbolçusu Miçel deyib.

İspan futbolçu daha sonra rəqibin dinamik oyun nümayiş etdirəcəyini və belə oyuna hazır olduqlarını bildırib. Həmçinin, meydanın vəziyyəti ilə bağlə suala belə cavab verib: “Azərbaycanla Çexiyanın fərqli iqlim şəraitini və havanı nəzərə alsaq, meydanın vəziyyəti yaxşıdır. Daha dəqiq cavabı bugünkü məşqdən sonra verə bilərəm”.